ТӨРИЙН АЛБАНЫ ШИНЭТГЭЛ 2022

Төрийн байгууллагад цахим систем бий болгох, хөгжүүлэх, ашиглахад
шаардлагатай зарим хүчин зүйлийг, тухайлбал ажиллах хүчний чадавх, чадамж,
тэдгээрийн ёс зүйн хэм хэмжээ, оновчтой тодорхойлогдсон үйл ажиллагааны
процесс, шийдвэр гаргалтын түвшин зэрэг үзүүлэлтүүдийг анхаарч үзэх нь зүйтэй.
Ялангуяа төрийн албаны хүнд суртлыг арилгах, ашиг сонирхлын зөрчлөөс
урьдчилан сэргийлэх, төрийн байгууллагын үйлчилгээний чанарыг ахиулахад
төрийн албаны сонгон шалгаруулалт, “зөв” хүнийг “зөв” ажилд томилох зарчмыг
хэрэгжүүлэх явдал ихээхэн ач холбогдолтой.
Сонгон шалгаруулалтын үнэлгээнд цогц чадамжийн үндсэн шалгуур
үзүүлэлт болох зан үйлийн шалгуурыг нэмж оруулан, түүнийг үнэлэх аргуудыг
хэрэглэхээр аргачлал боловсруулж байна. Ингэж хувь хүний зөөлөн ур чадварыг
тодорхойлж, ёс зүйтэй, зөв хүнийг төрийн албанд томилох нөхцөлийг бүрдүүлнэ.
Иймд НҮБХХ-ийн төслийн хамтын ажиллагааны хүрээнд сонгон
шалгаруулалтын агуулга, шалгаруулалтын үйл ажиллагаа, мэдлэг, ур чадварыг
үнэлэх арга, аргачлалыг боловсронгуй болгох, мэдлэг, зан үйл, хандлага,
харилцаа, ёс зүйн үзүүлэлтүүдийг тусган хэрэгжүүлэх зорилгоор “цогц чадамж”-
ийн агуулгыг тодорхойлж Сангийн яам, Зам тээврийн хөгжлийн яаманд туршин
нэвтрүүлж эхэлсэн.
Ялангуяа удирдах албан тушаалтны хувьд “цогц чадамж”-ийг ярилцлага,
сэтгэл зүйн тест зэрэг арга зүйгээр үнэлэгдэн тодорхойлогдох боломжтой гэж үзэж
байгаа бөгөөд сонгон шалгаруулалт, сургалт, хөгжлийн үйл ажиллагаанд
нэвтрүүлэхийг зорьж ажиллаж байна. Ингээд энэ сургалтын ачааны хүндийг үүрч
яваа НҮБ-ын төслийн зөвлөхүүд, бүс нутгийнхаа төлөөллийг аймагтаа хүлээн авч
буй Өвөрхангай аймгийн төрийн албаныханд онцлон талархал илэрхийлье.
-oOo-
Төрийн албаны зөвлөлийн дарга Б.Баатарзоригийн хэлсэн үг, илтгэлээс...
86