ТӨРИЙН АЛБАНЫ ШИНЭТГЭЛ 2022

Хүнд суртлын хүлээснээс нийгэм, иргэдийг ангижруулах үйл явц хурдацтай өрнөж
эхэллээ. Хүнд суртлын “Улаан тууз”-ыг улам бүр сулруулах, тайлах, таслах ажил явагдаж
байна. Өнөөдөр манай улсад 600 орчим хууль, 6700 гаруй стандарт мөрдөгдөж байна.
Хэт их зөвшөөрөл, зохицуулалтыг бууруулах, давхардлыг арилгах шаардлагатай
байгаа, үүнд та бидний манлайлал чухал. Төрийн хүнд суртлын ард нуугддаг ашиг
сонирхлын зөрчлийг арилгаж, төрөөс үзүүлэх үйлчилгээг цахимжуулах замаар төрийн
хүнд суртлыг бууруулах чухал.
Төрийн албаны шинэтгэлд нийгмийн сорилт, шударга ёсны хүлээлт өндөр байна.
Амжилтын 20 хувь ур чадвар, 80 хувь нь сайтар төлөвлөсөн стратеги гэсэн энгийн логик
бий. Иргэдийн итгэл хүлээсэн төрийн албаны шинэтгэлийн амжилтын нэг хэмжүүр нь
сайтар төлөвлөгдсөн стратеги, төрийн албан хаагчийн ур чадварт тулгуурласан тэгш
боломж, хамтын үр дүн юм.
Төрийн албан хаагчид аа,
Шударга ёсны хүлээлтийн сорилтыг үр дүнтэй даван туулах уян хатан бодлого,
гагцхүү хуулийн хүрээнд шинэлэг арга барилаар шуурхай ажилладаг төрийн албыг
бэхжүүлэх ажил үе шаттай эрчимжиж байна. Цаашид ч үр дүнтэй үргэлжилнэ.
Төрийн албанд тэгш боломж, хүртээмжтэй байдлыг хангах хүний нөөцийн
удирдлагыг хэрэгжүүлэхэд дараах асуудлуудад анхаарлаа хандуулахыг Та бүхнээс хүсье.
1. Ашиг сонирхлын зөрчлөөс ангид, ёс зүйтэй, хариуцлагатай байдлыг дэмжих
нэгдмэл тогтолцоог бий болгоно. Нарийн мэргэжил, ур чадвартай, зан
төлөвийн зөв хандлагатай, бусдад хүлээн зөвшөөрөгдсөн хүний нөөцөөр
төрийн албыг бэхжүүлнэ.
2. Албан тушаалтны ёс зүй, мэдлэг, боловсрол, туршлага, ур чадварын
шалгуурыг олон улсын жишигт нийцүүлэн шинэчлэх, мэдлэг, боловсролд
суурилсан мерит зарчмыг баримтлан томилон дэвшүүлдэг тогтолцоог
77