ТӨРИЙН АЛБАНЫ ШИНЭТГЭЛ 2022

5. Салбар зөвлөл хоорондоо мэдлэг, туршлагаа солилцох цаг гаргаж,
салбар зөвлөлүүдийн шинэлэг ажил, шийдлүүдийн талаар урьдчилсан
хуваарь гаргаж сонсож байя.
6. Төрийн албаны ерөнхий шалгалт хэзээ болох талаар их асууж байна.
Улсын онцгой комисс шийдвэр гаргавал хэзээ ч авахад бэлэн байгаа
бөгөөд нэмэлт бүртгэл хийж, шинэ төгссөн, амжиж бүртгүүлээгүй хүмүүст
боломж олгоё гэсэн байр суурьтай байна.
7. Хууль, дүрэм журмуудаа дахин нэг сайн уншаарай, орон нутаг дахь
төрийн албаны шинэтгэлийн “нэвтэрхий толь” нь та нар шүү. Асуудал
өдөр бүр тохиолдоно, мухардалд орохгүй байх, гарц, шийдлүүдийг санал
болгох хамгийн чухал хүмүүс бол та нар.
8. Та бүхэн Төрийн албаны зөвлөлийн халуун бүлийн хүмүүс. ТАЗ-ийн
ажилтан, албан хаагчидтай байнгын холбоо харилцаатай байгаарай. Та
бүхэн орон нутагт бидний “түшиц” бол ТАЗ та бүхний нийслэл дэх
“түшиц” юм. ТАЗ, Салбар зөвлөл байнгын холбоотой байх сувагтай
болно. Одоогийн фэйсбүүк групп, хааяа цахим шуудан солилцдог,
утсаар ярьдгаас илүү шуурхай, халуун шугам (hotline) холбооны
шугамтай болъё.
9. Төрийн албаны зөвлөл үндсэндээ амралтгүй ажиллаж байгаа. Сонгон
шалгаруулалт, шалгалттай холбоотой асуудлууд харьцангуй бага
байгаа цагийг ашиглаж хүний нөөцийн аудит, хүний нөөцийн систем,
программ хангамжийн хөгжүүлэлт зэрэг ажлууддаа цаг, хүчээ
төвлөрүүлэн ажиллаж байна. Шалгалтын сорил, даалгавруудаа улам
боловсронгуй болгож байна. Сургалтын танхимаа ч тохижуулж байна.
Цаг хожиж, цаг ашиглах тал дээр илүү шаргуу, шуурхай ажиллаж байна.
10. Салбар зөвлөлийн нарийн бичгийн дарга нараа илүү боловсруулах,
мэдээлжүүлэх, гадаад, дотоодын томилолт, сургалтад хамруулах
талаар та бүхний хэрэгцээнд суурилсан баримт бичиг гаргах чиглэлээр
ажиллая.
Ажил, амралтаа зохицуулаарай. Эрүүл мэнд, ажлын ачааллаа байнга
бодож яваарай. Та бүхэндээ сайныг хүсье.
---о0о---
179