ТӨРИЙН АЛБАНЫ ШИНЭТГЭЛ 2022

Завхан, Хөвсгөл аймагт ажиллах үеэр
төрийн албан хаагчидтай хийсэн
уулзалтууд дээр хэлсэн үгнээс
Орчин үеийн төрийн албаны онцлог, дэлхий нийтийн жишиг
2020.05.29
Удирдах ажилтан нь гүйцэтгэх албан тушаалын хүмүүстээ хяналт тавьж,
ажлыг нь дүгнээд явдаг жишиг ард хоцорсон. Олон нийтийн хяналт, иргэдийн
оролцоо маш өндөр түвшинд очсон, сошиал медиа хөгжихийн хэрээр хүн бүр
“сэтгүүлч” болсон ийм цаг үе. Муу ажиллах, алдаагаа нуун далдлах гэдэг
үндсэндээ байхгүй болж байна.
Төрийн үйлчилгээнээс иргэдийн хүсэмжилж буй хүлээлт улам нэмэгдсээр
байна. Хувийн хэвшлээс бүтээгдэхүүн, үйлчилгээ авахдаа хүмүүс сайн чанартай,
хямд өртөгтэйг чөлөөтэй сонгодог, яг тийм шаардлагыг төрийн ажил, үйлчилгээнд
тавьдаг болсон. Зах зээлд олон сонголт байдаг бол төрийн үйлчилгээнд сонголт
байхгүй болохоор төрийн нэг байгууллага, төрийн нэг албан хаагчийн ажил
үйлчилгээнд доголдол гарахад иргэд шууд бухимдаж эхэлдэг.
Тиймээс илүү цахимжсан, илүү уян хатан, хүртээмжтэй, ойлгомжтой,
хялбар, ил тод, хүн рүү чиглэсэн төрийн үйлчилгээнд хамрагдахыг иргэд хүсдэг.
Энэ шаардлагыг оновчтой бүтэц, чадварлаг төрийн албан хаагчид л хангана.
Төрийн албаны шинэтгэл олон улсын хэмжээнд энэ чиглэл рүү эргэлт
буцалтгүй орсон. Манай улсын төрийн албаны шинэтгэл ч энэ чиглэлд тууштай
195