ТӨРИЙН АЛБАНЫ ШИНЭТГЭЛ 2022

Нийгмийн хөгжилд төрийн гүйцэтгэх үүрэг, оролцооны илүү уян хатан, үр дүнтэй
арга хэлбэрийг ашиглаж төрийн албан хаагчийн хандлага, сэтгэлгээг өөрчилж чадвал
“төрийн бүтээмж”-ийн хэрэгжилт үр дүнд хүрнэ. Шийдлээ хүлээсэн энэ ажлууд бидний
анхаарлын төвд байна.
Үндсэн хуульд шударга ёс, тэгш байдал, хууль дээдлэх нь “Монгол төрийн үйл
ажиллагааны үндсэн зарчим мөн” хэмээн тунхагласан. Энэ зарчмыг хэрэгжүүлэхэд
төрийн бүх шатны байгууллагын албан хаагчдын, тэр тусмаа та бидний манлайлал чухал
юм.
Хүмүүн капитал зөвхөн тухайн хүний боловсрол мэдлэгээр хэмжигддэг үе байсан.
Харин одоо энэ ойлголтыг эрүүл мэнд, эзэмшсэн боловсрол, туршлагаа хэрэгжүүлэх ур
чадвар, хандлага зан үйлийг багтаасан илүү өргөн хүрээнд, олон хүчин зүйлийн уялдаанд
авч үздэг боллоо. Төрийн бүтээмжийг нэмэгдүүлэхэд төрийн илүү тодорхой процесс,
зарцуулах цаг хугацаа, технологи-хүмүүн капиталыг сайжруулахтай холбоотой олон
асуудлуудыг хөндөнө.
Шинэтгэлийн бодлого, үзэл баримтлалыг хэрэгжүүлэх, сайн засаглалыг бэхжүүлэх,
төрийн үйл ажиллагааны бүтээмжийг дээшлүүлэхэд гол хөдөлгөгч хүч болох төрийн
албаны төлөө гэх сэтгэлтэй, мэдлэг чадвартай хүний нөөц-хүмүүн капитал чухал үүрэгтэй.
Мэдлэг, ур чадвар сайтай, үндэсний язгуур эрх ашгийн төлөө сэтгэлтэй, ямар ч
иргэнд Монгол төрийн албанд өндөр бүтээмжтэй ажиллах боломж нээлттэй байна. Тийм
эрх зүйн орчин, нийгмийн үзэл санаа, бодлого зохицуулалт манайд хангалттай бий.
Төрийн албанд ажиллаж, төр, түмний үйлсийн төлөө зүтгэх нь нэр төрийн хэрэг
гэдгийг тангараг өргөсөн төрийн албан хаагчид та бид сайн мэднэ. Зөвхөн “мэдэх” нь
хангалттай биш. Албан хаагч бүр сэтгэл гаргаж өндөр бүтээмжтэй ажиллах шаардлага
тавигдаж байна.
71