ТӨРИЙН АЛБАНЫ ШИНЭТГЭЛ 2022

- Сорилын даалгаврын хувьд өөрчлөгдсөн үү. Тусгай шалгалтынх
өөрчлөгдсөн гэж байсан?
- Сорилын даалгаврын хувьд ерөнхий шалгалтынх төдийлэн өөрчлөгдөөгүй.
Нийтэд гарсан цахим ном, цаасан ном, гар утасны апплекейшны хүрээнд сорил
авч байгаа. Харин тусгай шалгалтын сорилын хувьд таван түшмэл тус бүрт
чиглэсэн даалгавар бэлтгэсэн. Эхний ээлжид мянган даалгавар бэлтгэсэн.
Эрхэлсэн түшмэл, ахлах түшмэл, тэргүүн түшмэл, туслах түшмэл гээд түшмэл тус
бүрийн онцлогийг тусгасан сорил даалгаврыг Удирдлагын академи болон хууль,
эдийн засаг, түүх гээд бусад салбарын эрдэмтдийн оролцоотой шинэчлэн
гаргасан.
- Ковидын хуулийн үйлчлэх хугацаа дуусах дөхөж байна. Төрийн
байгууллагууд тусгай шалгалтаа авч дуусаж байгаа юу. Танайхаас
томилгооны зөрчилтэй хэд хэдэн газрыг зарлаж байсан. Жишээ нь, Эрүүл
мэндийн яамнаас тусгай шалгалт авах ажлын байрны захиалгаа ирүүлсэн
үү?
- Тусгай шалгалт үргэлжилж байна. Сангийн яаманд 80, Хууль зүй дотоод хэргийн
яаманд 12, Зам тээврийн яам 4 гэдэг ч юм уу Төрийн албаны зөвлөлийн цахим
хуудсаар тусгай шалгалтын зар тасралтгүй гарч байгаа. Ерөнхий шалгалт авч
байгаа энэ хугацаанд тусгай шалгалтыг зогсоохгүй, завсарлуулахгүй авна.
Программ хангамж, сүлжээний хувьд ийм нөхцөл нь бүрдсэн, бүрэн боломжтой.
Эрүүл мэндийн яамных нь аппаратаас бол захиалга ирээгүй. Эрүүл мэндийн
яамны салбар зөвлөлд хамаардаг ЭМДЕГ-ын орон нутгийн удирдах албан
тушаалтнууд, агентлагийн зарим удирдах албан тушаалтны захиалга ирээд
шалгалт нь үргэлжилж байна.
37