ТӨРИЙН АЛБАНЫ ШИНЭТГЭЛ 2022

сорилын хувилбаруудыг өндөр түвшний мэргэжилтнүүдийн баг илүү боловсронгуй
болгон засаж шинэчлэн, эрдэмтэн судлаачид хянан тохиолдуулав.
Чадахуйн /мерит/ зарчим, шатлан
дэвшүүлэх тогтолцоонд суурилсан төрийн
албаны шинэтгэлийн нэгэн шинэ үед
төрийн алба хаах итгэл, урам зориг
өвөрлөн байгаа хэн хүний зайлшгүй
эзэмшвэл зохих мэдлэг, чадварыг шалгах
сорил, тайлбар бүхий энэ гарын авлагыг
төрийн албаны шалгалтад ашиглана.
Нөгөө талаас эдгээр нь шалгалт авах
суурь сэдэв, чиглэлийг агуулж байгаа
болохоос шалгалтын иж бүрэн материал,
жагсаалт биш гэдгийг та бүхэн анхаарна
буй за.
Зөвхөн ерөнхий шалгалтад
тэнцэхийн тулд бус төрд алба хаахын
төлөө уг гарын авлагыг бүтээлчээр
ашиглаж, үүгээр үл хязгаарлан холбогдох
бусад эх сурвалжийг судлан өөрийгөө
төрийн албанд бэлтгэхдээ тун хянуур,
хариуцлагатай хандах нь зүйтэй. Төгс төгөлдөр зүйл гэж байдаггүйчлэн сорилын
талаар авах гээхийн ухааныг уралдуулан, санал бодлоо илэрхийлж, эргэх
холбоотой байхыг хүсье.
Шалгалт өгөх, сорилын хариуг дүгнэх бүхий л үйл ажиллагаа хөндлөнгийн
аливаа оролцоогүйгээр шударга, ил тод, бүрэн цахимжсан хэлбэрээр явагддаг тул
шалгалтын дүнгийн хувьд зөвхөн өөртөө найдахаас өөр аргагүй. Төрийн албаны
ерөнхий шалгалтаа амжилттай өгснөөр төрд ажиллах эхний алхам-төрийн
жинхэнэ албаны нөөцөд бүртгэгдэж, монгол төрийн албанд ажиллах үүд хаалга
нээгдэнэ. Улмаар төрийн албаны тусгай шалгалт өгч төр улсынхаа ажилд гар бие
оролцох учиртай.
“Эзэн хичээвэл заяа хичээхийн” эрхэм үгийг сайтар тунгааж, мэдлэг оюунаа
дайчлан, бэлтгэлээ сайтар хангахыг хүсье.
Хууль ёсыг чанд баримтлан, улс үндэснийхээ язгуур ашиг сонирхолд
захирагдан ард түмэндээ нэгэн үзүүрт сэтгэлээр үйлчилж, төрдөө чин үнэнч зүтгэх
зам мөр тань цагаан байхын ерөөл өргөе!
---о0о---
Төрийн албаны зөвлөлийн дарга Б.Баатарзоригийн хэлсэн үг, илтгэлээс...
194