ТӨРИЙН АЛБАНЫ ШИНЭТГЭЛ 2022

Төрийн албан хаагчийн ёс зүйн хэм хэмжээг хууль, дүрэм журмаар
зохицуулж болох боловч төрийн албан хаагчдын итгэл үнэмшил, зан төлөв, биеэ
авч явах байдлаар дамжин хэрэгжих нь тодорхой.
Иймээс төрийн албаны ёс зүйн хэм хэмжээг сахиулахын тулд хуулийн
заалтыг мөрдөн ажиллах, ёс зүйн дүрмийг сахин мөрдүүлэх, сахилгын арга хэмжээ
авахаас гадна байгууллагын соёл, удирдлагын манлайлал, албан хаагчдын зан
төлөвт тулгуурласан ёс зүйн менежментийг хэрэгжүүлэх хэрэгцээ, шаардлага
нэмэгдсээр байна.
Ялангуяа албан хаагчдын зан төлөвт тулгуурласан үйл ажиллагааг зохион
байгуулах зорилгоор системийн хэмжээнд зарим арга хэмжээг хэрэгжүүлэх,
байгууллагын соёлыг өөрчлөх зэрэг үйл ажиллагааг гадаад улс орнууд авч
хэрэгжүүлэх болжээ.
Өртөг зардал бага шаардагддаг, үр дүнтэй арга хэмжээг авч хэрэгжүүлэх
нь ухаалаг, бас тогтвортой засаглалыг бий болгох, төрийн албыг төлөвшүүлэх,
хүний эрхийг дээдлэх, иргэдийн төрд итгэх итгэлийг нэмэгдүүлэх, шударга ёсны
тогтолцоог бүрдүүлэхэд чухал ач холбогдолтой.
Сургалт, хөгжлийн асуудал ямагт эн тэргүүнд тавигдах учиртай. Сурсан,
мэдсэн, хөгжсөн хүн ажилдаа амжилт гаргаж, сайн зан төлөвтэй хүн өөртөө болон
эргэн тойрондоо эерэг уур амьсгал төрүүлнэ. Үр дүнд нь байгууллагын сайн соёл
тогтох нь дамжиггүй.
Эрүүл мэнд, амжилт бүтээлийн эхний, бас зайлшгүй эзэмших шат
дамжлагад богино хугацаанд ч болов суралцлаа, бүгдээрээ.
---о0о---
Төрийн албаны зөвлөлийн дарга Б.Баатарзоригийн хэлсэн үг, илтгэлээс...
174