ТӨРИЙН АЛБАНЫ ШИНЭТГЭЛ 2022

- Төрийн албаны ажлын байрны зарын мэдээлэл төдийлөн ил тод байж
чаддаггүй гэх шүүмжлэл байдаг. Ер нь энэ тал дээр хэрхэн анхаарч ажиллаж
байна вэ?
- Тухайн байгууллагууд өөрсдийнхөө цахим хуудсаар давхар зар явуулдаг. Төрийн
албаны зөвлөлийн цахим хуудасны хувьд ажлын байрны захиалгыг нэгтгэж, зар
болгож нийтэд түгээдэг. Энэ зар дээр албан тушаалын тодорхойлолтод заасан
боловсрол, мэргэжил гээд бусад ур чадварын мэдээллийг нээлттэй тусгасан.
Хоёрдугаарт, цахим шалгалтын нээлттэй бүртгэлд бүртгэл эхлэх, дуусах хугацаа,
хамрагдсан иргэдийн өрсөлдөх байдлыг ил тод болгосон учраас би хэдэн хүнтэй
өрсөлдөж байна, дүн нь ямар байна гээд бүх зүйлийг харах боломжтой. ТАЗ-ийн
цахим хуудсаар ороод аль нэг салбар зөвлөлийн цахим хуудас руу нэвтрэх
боломжтой. Эндээс ажлын байрны зараа хараад бүртгүүлэх иргэдийн цэсэнд
нэвтэрнэ. Бүртгэлд хамрагдсаны дараа хэдэн хүнтэй өрсөлдөж байгаагаа харах
боломжтой. Аль байгууллагын, ямар салбар зөвлөлд хаана, хэдэн хүн шалгалт
авч байна, шалгалтын үнэлгээ яаж гарч байна вэ гэдэг нь нийтэд ил тод болсон.
Зарим байгууллага өөрийнхөө цахим хуудас руу линкээр татаж авах боломжтой.
ТАЗ дээр нэгдсэн мэдээлэл нь харагддаг.
- Тусгай шалгалтыг шинэ системээр авснаар ямар үр гарч байна?
- Шалгалт зохион байгуулж байгаа комиссынхны ажигласнаар оноо, үнэлгээг
нийтэд ил болгосноор “Би өрсөлдөгчөөсөө тэдэн оноогоор дутуу байгаа учраас
цаашид өрсөлдөх боломжгүй, нэрээ татаад явлаа” гэх тохиолдол ч гарсан. Зарим
иргэн шалгалтад өөрийнхөө авсан үнэлгээг харж байгаад дараагийн шалгалтад
хичээхгүй бол ажил, албан тушаалаа алдах магадлалтай юм байна гэдгээ мэдэрч,
шалгалтад бэлтгэх байдал эрс өссөн. Та бүхэн анзаарсан бол Төрийн албаны
зөвлөл дээр Гадаад харилцааны яам, БОАЖЯ, МХХТГ, ХААГ, Жендерийн
үндэсний хороо, Хүний эрхийн үндэсний комисс гэх зэрэг байгууллагын тусгай
шалгалтыг зохион байгуулсан. Шалгалтын явц үнэлгээ бүх нийтэд ил байхаар ТАЗийн
сайтад тавьсан.
-Тусгай шалгалтад яаж бэлтгэх вэ гэдэг асуулт иргэдээс их ирдэг?
- Иргэдийн хувьд тусгай шалгалтад бэлтгэх гарын авлага гэдэг. Манай зүгээс
тусгайлан бэлтгэж гаргаагүй. Өмнө нь гаргасан гарын авлагаас хууль эрхзүй,
монгол хэлээ үзэх боломжтой. Бусад даалгавар нь арай өөр. Манай нууцлалаар
программын санд бий.
ТАЗ-ийн цахим хуудсаар ороод аль нэг салбар зөвлөлийн цахим хуудас руу
нэвтрэх боломжтой. Эндээс ажлын байрны зараа хараад бүртгүүлэх иргэдийн
цэсэд нэвтэрнэ. Бүртгэлд хамрагдсаны дараа хэдэн хүнтэй өрсөлдөж байгаагаа
харах боломжтой. Аль байгууллагын, ямар салбар зөвлөлд хаана, хэдэн хүн
шалгалт авч байна, шалгалтын үнэлгээ яаж гарч байна вэ гэдэг нь нийтэд ил тод
болсон.
38