ТӨРИЙН АЛБАНЫ ШИНЭТГЭЛ 2022

Хөдөлмөр, нийгмийн хамгааллын яаманд хийсэн
уулзалт дээр хэлсэн үг
2021.06.08
Төрийн албаны тухай хуулийн шинэчилсэн найруулга хэрэгжиж эхлээд хоёр
жил хагасын хугацаа өнгөрлөө.
Энэ хугацаанд “Алсын хараа-2050” улс
орны хөгжлийн урт хугацааны томоохон баримт
бичгээс өгсүүлээд Хөгжлийн бодлого, төлөвлөлт,
түүний удирдлагын тухай хууль, Засгийн газрын
үйл ажиллагааны хөтөлбөр, Нийгэм, эдийн засгийг
хөгжүүлэх үндсэн чиглэл зэрэг бодлого,
төлөвлөлт, хэрэгжүүлэх үйл ажиллагааны
томоохон баримт бичгүүд батлагдан гарсан.
Эдгээр бүх баримт бичгүүдэд төрийн
албаны шинэтгэлийн суурь зарчмууд, тэдгээрийг
хэрэгжүүлэх үйл ажиллагаа нарийвчлагдаж,
баталгаажсан гэж болно.
Шинэтгэлийн бодлого, зорилт, хэрэгжүүлж буй үйл ажиллагааны талаар Та
бүхэнд нуршин ярих хэрэггүй байх. Учир нь Салбар зөвлөл, яам, агентлагууд өдөр
тутмын харилцаа холбоотой ажиллаж, мэдээлэл солилцон ажиллаж байгаа.
Төрийн албаны шинэтгэл нэгдсэн бодлого, зохион байгуулалтаар
явагдаж байж үр дүнд хүрэх нь ойлгомжтой.
Шинэтгэлийн талаарх ойлголтын зөрүү төрийн институц, тэдгээрийг
бүрдүүлж буй төрийн албан хаагчдад байхгүй гэж бодож байна.
Өргөн сэдэв, олон чиглэлээр судалгаа, хэрэгцээнд суурилсан сургалтууд
тасралтгүй явагдлаа.
Ганц жишээ дурдахад 7:4:10-т төрийн бүх байгууллагуудын 19 мянга гаруй
албан хаагч хагас жилийн хугацаанд хамрагдлаа.
Суурь баримт бичиг, дүрэм, журам бүгд гарсан, батлагдсан. Шинэтгэлийн
бодлогыг хэрэгжүүлэх нарийвчилсан стратегийн төслийг ч бэлтгэж байна. Засгийн
газартай хамтран төрийн албаны шинэтгэлийн замын зураглалыг томьёоллоо.
149