ТӨРИЙН АЛБАНЫ ШИНЭТГЭЛ 2022

Товчхондоо гэм буруутай, ёс зүйгүй үйлдлийг гаргуулахгүй байх нь хамгийн
зохистой гэсэн үг. Буруу үйлдлийг давтан үйлддэг. Энэ байдалтай эвлэрч болохгүй.
Тиймээс ч иргэд, олон нийтийн дунд төрийн албаны шинэчлэлтийн хүлээлт өндөр
давтамжтай, шударга ёсны хүсэмжлэл их байгаа нь тодорхой.
Дижитал шилжилтийн эринд төрийн албыг хэрхэн үр ашигтай зохион
байгуулахаас бидний шинэтгэлийн үр дүн ихээхэн хамаарах нь тодорхой байна.
Технологийн асар их хурд, өсөн нэмэгдэж буй хэрэгцээ, хэрэглээний орчинд бид
хоцорч чирэгдэхгүй, бүдэрч унахгүй, харин ч манлайлж явах учиртай.
Манай улсын хувьд интернэтэд гар утаснаасаа ордог хүн давхардсан
тоогоор 3.9 сая, суурин интернэт хэрэглэгчид 300 мянга байгаа бол фэйсбүүкийг
2.2 сая хүн хүн хэрэглэдэг болж, интернэтийн суурь дэд бүтэц болон
хэрэглээгээрээ цахим шилжилтэд үндсэндээ бэлэн болчихсон ийм цаг үед бид
амьдарч байна.
Цаашид төрийн албаны үйл ажиллагааг блокчэйн технологи (нэгдмэл цахим
мэдээллийн сан)-д шилжүүлэх том алхам бидний урд байна.
Саяхан электрон засаглалын асуудлаар өргөн хүрээтэй хэлэлцүүлэг
хийгдэж, Эстони улстай хамтран ажиллахаар боллоо. Эстони улс үндсэндээ
дижитал орон болж, төрийн байгууллагуудынх нь ихэнх үйлчилгээ блокчэйн
технологид суурилан 24/7-ийн (24 цаг 7 хоног) тасралтгүй системд шилжиж чаджээ.
Төрийн бүх үйлчилгээ өдөр шөнө, амралт баяр ёслолын өдрүүдээс үл хамааран
онлайнаар явагдаж байна. Мэдээллийн аюулгүй байдлаа хангах үүднээс дэлхийн
анхны дата Элчин сайдын яамыг Люксембург улсад нээжээ.
Төрийн албаны зөвлөлийн дарга Б.Баатарзоригийн хэлсэн үг, илтгэлээс...
234