ТӨРИЙН АЛБАНЫ ШИНЭТГЭЛ 2022

Оновчтой маневр хийх чадвартай, уламжлалт бусаар, системийн түвшинд
бүтээлчээр сэтгэж ажиллахыг нөхцөл байдал биднээс шаардаж, шахаж байна.
Гэхдээ өөрчилж болохгүй, бас өөрчлөгдөж болохгүй, өөрчлөх ч
шаардлагагүй нэг эрхэм юм байна аа.
Бусдаас үл хамаарах, үл шалтгаалах, гагцхүү өөрөө хийж чадах, ноён
нуруугаа алдахгүй байвал зохилтой тэр гайхалтай зүйлийн тухай бид өнөөдөр
ярилцах гэж байна.
Хэн хүний дотоод сэтгэлээс эхэлдэг, гаднаас бус өөрөөсөө хайж олдог
хүний хамгийн нандин чанарын тухай энд хөндөж, онцолж байна.
Хүнлэг нинжин сэтгэл, ёс суртахууны зангилаа болсон ёс зүй, түүн дотроо
төрийн албаны ёс зүйн талаар бид нар тусгайлан ярилцана.
Энэ “юманд” санхүүжилт, төсөв, хөрөнгө оруулалт шаардагдахгүй боловч
бодитой, баталгаатай үр дүн шууд гардаг .
Таван үгний тохиолдлын сонголт болгож “Итгэл даах төрийн албаны
төлөө” гэх энэ уриаг гаргаагүй ээ. Ухаад бодвол өргөн утга, гүн агуулга багтаж
байгаа.
Төрийн алба гэдэг эзэнгүй хоосон ойлголт биш. Энэ албыг төрийн албан
хаагч хүн Та хашдаг учир амьд, хөгжил хөдөлгөөнтэй интитуц.
Зөвхөн хүнд байдаг ёс зүйн асуудлыг төрийн албанд хамаатуулан ярьж
байна.
УИХ-ын дарга Г.Занданшатар, Засгийн газрын Хэрэг эрхлэх газрын дарга
Л.Оюун-Эрдэнэ нар Төрийн албаны зөвлөлд өнгөрсөн жил ажиллаж, төрийн албан
хаагчийн ёс зүйн асуудлыг хамарсан өргөн хүрээтэй асуудлыг оновчтой, шуурхай
зохицуулах талаар үүрэг, чиглэл өгч, санал бодлоо хуваалцсан.
Төрийн албаны зөвлөлийн дарга Б.Баатарзоригийн хэлсэн үг, илтгэлээс...
186