ТӨРИЙН АЛБАНЫ ШИНЭТГЭЛ 2022

хэрэгт өөрийн бодитой хувь нэмэр оруулахын зэрэгцээ үйл ажиллагаагаа
өргөжүүлэн жигдрүүлж, байгууллагын хувьд улам бүр бэхжин, чадавхжиж ирлээ.
Төрийн албаны тухай анхны хууль болон уг хуульд удаа дараа шинэтгэл
өөрчлөлт оруулсан хуулиудад нийцүүлэн олон тооны дүрэм, журам, стандартын
баримт бичгийг гаргаж тэдгээр хуулийг хэрэгжүүлэх эрх зүйн тогтолцоо бүрдүүлсэн,
бодлого, үйл ажиллагааны шинжтэй томоохон ажил арга хэмжээнүүдийг зохион
байгуулахад Төрийн албаны зөвлөл гол санаачлагч, гардан хариуцагч байж
ирснийг онцлон тэмдэглэж байна.
Төрийн албаны тухай шинэ хууль 2019 оны эхнээс хүчин төгөлдөр
мөрдөгдөж эхэлсэнтэй холбогдуулан хуулийг дагалдан гарах 40 гаруй дүрэм,
журмыг УИХ, Засгийн газрын дэмжлэг, идэвхтэй хамтын ажиллагааны дүнд
шуурхай боловсруулан, батлан гаргав. Шинэ дүрэм, журмыг мөрдүүлж эхэлснээр
улс төрөөс хараат бус, мэргэшсэн, тогтвортой, ил тод, хариуцлагатай төрийн
албыг төлөвшүүлэх эрх зүйн шинэ орчин бүрдэж, албан тушаалын
тодорхойлолтод заасан мэдлэг, боловсрол, мэргэжил, мэргэшил, ур чадвар,
туршлагын шаардлагыг хангасан иргэд нээлттэй, шударга өрсөлдөөнт сонгон
шалгаруулалтаар төрийн албанд орох, одоо ажиллаж байгаа төрийн албан хаагч
нар тогтвортой ажиллах, чадахуйн зарчмын дагуу шатлан дэвших боломж нөхцөл
бүрэн хангагдлаа.
Төрийн албаны зөвлөл анх байгуулагдсанаас хойш хуулиар хүлээлгэсэн чиг
үүрэг, хариуцлагаа бүрэн дүүрэн биелүүлэхийн тулд бүх талын хүчин чармайлт
гарган ажилласны үр дүнд төрийн албаны шинэтгэлийн хүрээнд эрх зүйн болон
үйл ажиллагааны тодорхой хэмжээний ахиц дэвшил гарсаар байна. Энэ бол улс
орондоо сайн засаглалын шалгуур үзүүлэлтүүдийг шинэ шатанд гаргахад оруулж
байгаа томоохон хувь нэмэр юм.
Монгол Улсын Төрийн албаны тухай хууль (1994 оны 12 дугаар сарын 30)-
ийн зорилт нь “Монгол Улсын төрийн албаны ангилал, зарчим, төрийн албан
тушаал, түүнд тавигдах шаардлага, төрийн албан хаагчийн эрх зүйн байдал,
түүнээс төрийн алба хаах болзол, журам, баталгааг тогтоон зохицуулахад оршино”
гэж заасан бол Монгол Улсын Төрийн албаны тухай хууль (2002 оны 6 дугаар
сарын 28) Монгол Улсын Төрийн албаны тухай хууль (2008 оны 5 дугаар сарын 6-
ны өдрийн нэмэлт өөрчлөлт)-д дээрх зорилт дээр “Төрийн албаны төв
байгууллагын чиг үүргийг тогтоон зохицуулахад оршино” хэмээн нэмсэн байна.
Харин Монгол Улсын Төрийн албаны тухай хууль (шинэчилсэн найруулга)
(2017 оны 12 дугаар сарын 7)-ийн зорилтыг “төрийн албаны мэргэшсэн,
тогтвортой, ил тод, хариуцлагатай байх эрх зүйн үндсийг бүрдүүлэх, төрийн
албаны төв байгууллага, төрийн албан хаагчийн эрх зүйн байдал, нийгмийн
8