ТӨРИЙН АЛБАНЫ ШИНЭТГЭЛ 2022

Төлөвшил хүмүүжлээр олж авсан шулуун чигч нэг л зангаараа байх төрийн
түшмэл эрдэний ёс зүйд бид хамгийн том найдлага тавьж байна.
Төрт ёсны эртний түүхтэй Монгол төрийн албан хаагчдад бусдаас
харьцуулж сурахын зэрэгцээ өөрсдийн түүх, соёл, уламжлалаасаа авах зүйл олон
бий, дагах зарчим ч хангалттай байгаа.
Өнгөрсөн жил хагасын хугацаанд Төрийн албаны зөвлөл нийт аймаг, хот,
орон нутагт хүрч ажиллахдаа шинэтгэлийн үзэл санааг түгээн дэлгэрүүлэх, хийх
ажил, гарах үр дүнг төрийн албан хаагчид маань нэг мөр ойлгох чиглэлд онцгойлон
анхаарсан.
Иргэд, олон нийтийн зүгээс төрийн алба төлөвшиж, хууль нэг мөр хэрэгждэг
болоосой гэсэн хүлээлт өндөр давтамжтай байна.
Төрд ажиллаж байгаа хүмүүсийг сул дорой, авлигач, өөдгүй гэсэн нийгмийн
санаа, хандлага хүчтэй байсаар байна.
Сонин гарчиглаж, сайтуудын эхний нүүрийг харахад, social медиагаар
өрнүүлж буй иргэдийн санал шүүмжлэлийг уншихад л үүнийг хангалттай батална.
Төрд итгэх ард түмний итгэлийг яаж буцааж авах вэ? Бахархалт
төрийнхөө нэр хүндийг яаж сэргээх вэ?
Ёс зүй гэдэг байгууллага, интитуцэд гэхээсээ хувь хүн рүү, хувь хүний
дотоод мөн чанар руу илүүтэй чиглэсэн ойлголт болохын хувьд эмзэг, нарийн
асуудал мөнөөс мөн.
Төрийн нэг ажилтан алдаа гаргавал, ааш араншингаа хянахгүй бол,
бүтэлгүйтэж будилбал, мэдлэг чадвар нь сулхан байвал тэр нь шууд утгаараа
төрийн алба гэдэг бүхэл бүтэн институцыг муухай харагдуулдаг.
189