ТӨРИЙН АЛБАНЫ ШИНЭТГЭЛ 2022

Хууль дээдлэн ажиллана гэдэг хамгийн товчоор үүрэг, хариуцлагаа
ухамсарлана, бас эрхээ зөв эдэлнэ гэсэн үг. Хуулиас ангид, хуулиас гадуур
амьдрах боломжгүй болсон нийгэм, цаг үед бид ажиллаж байна.
Эрх эдлэхээс гадна эрдэм илүү байх нь чухлыг дахин хэлье.
Хууль дээдлэх төрийн албаны амин чухал зарчмыг хэрэгжүүлэгч, зохион
байгуулагч, үлгэрлэгч, манлайлагч, харилцагч нь төрийн албан хаагч та бид нар
юм.
Хүний эрх, шударга ёс, хуулийг дээдэлж хууль сахиулдаг салбарын сургалт,
эрдэм шинжилгээний гол түшиц байгууллага болсон Дотоод Хэргийн Их
сургуулийн саруул танхимыг сонгон өнөөдрийн сургалтаа явуулж буй нь ч
санамсаргүй тохиолдол биш юм.
2020 он хуулиа дээдэлсэн, ёс зүйн дээд эрэмбийг төрийн албанд
нутагшуулсан жил байна.
Тав. Технологийн шинэчлэл – бүтээлч сэтгэлгээ
“Сөрөг үйл явдлыг сөрөн зогсож болдог, харин цаг нь ирсэн үзэл санааг
зогсоох боломжгүй” гэсэн ухаантны үг буй. Шинэ хуулиар баталгаажсан төрийн
албаны шинэчлэлт, дэлхийн улс орнуудын хэрэгжүүлж буй НҮБ-ын Тогтвортой
хөгжлийн зорилтууд бол нийгэм, иргэдийн хүсэн хүлээж байгаа “шинэ үзэл
санаа”. Үүнийг зогсоох боломжгүй юм.
Шинэ үзэл санааг тээгч, нийгэмд түгээн дэлгэрүүлэгч байх эрх, бас үүрэг
нь төрийн захиргааны тэргүүн түшмэд, Та нараар манлайлуулсан Төрийн албаны
салбар зөвлөлийн гишүүд, нарийн бичгийн дарга нарт ногдож байна.
Улс орны хэмжээнд хийж буй ажил, гарч буй үр дүн багагүй бий ч цөөн
гэлтгүй болох бүтэхгүй зүйл тэр бүхнийг маань харлуулах явдал гардаг. Болж
бүтэхгүй зүйлсээс урьдчилан сэргийлж чадахгүй бол нэгэнт эхэлсэн хар бараан
зүйл гинжин урвал адил цааш үргэлжлэх магадлалыг тодорхойлсон “Хагархай
цонхны онол” гэж байдаг.
233