ТӨРИЙН АЛБАНЫ ШИНЭТГЭЛ 2022

“Анхаарч сонсъё, анзаарч өөрчилье” сошиал
медиа нөлөөллийн аяны нээлт дээр хэлсэн үг
2021.06.17
Асуултаар яриагаа эхэлье. Дор бүрнээ тунгаагаарай.
Найз нөхөд чинь буяны сайн үйлсэд хандив өгсөн болохоор Та ч мөн адил
хандив өгч байв уу? Эсвэл таны дуртай “од” сурталчилдаг болохоор бараа
бүтээгдэхүүн худалдаж авдаг уу?
Та бид нийгмийн гишүүнийхээ хувьд хэзээ нэгэн цагт, ямар нэг нөхцөлд
бусад хүмүүсийн нөлөөнд ямар нэг хэмжээгээр “автдаг” нь бодит үнэн. Үүнийг
“нөлөөллийн сэтгэл зүй” гэж болох. Ийм маркетинг, аян байнга л явагдаж байдаг.
Тэгэхлээр нөлөөлөл үзүүлэх үзэгдэл шинэ зүйл биш ээ. Бүтээгдэхүүн,
үйлчилгээ, чиг хандлагыг сурталчлах, тодорхойлох зорилгоор нөлөө бүхий
хүмүүсийн үг үйлдлийг ашиглах арга олон арван жил хэрэгжиж ирсэн.
Харин одоо өөрчлөгдсөн зүйл гэвэл түүнийг хэрэгжүүлэх арга хэлбэр,
нөлөөллийн төрөл олон янз болж. Түүний нэг нь бараг хүн бүрийн хэрэглэх болсон
СОШИАЛ МЕДИА нөлөөлөл. Хүн бүр шахуу “сэтгүүлч” болсон цаг үеийн онцлог.
Сошиал медиа орчин үеийн нийгэмд асар их нөлөө үзүүлж буй нь маш
тодорхой. Урд өмнө дэлхийн нийтийг хамарч, гайхалтай хурдтай өсч буй ийм
үзэгдэл ховор гэдэг.
2017 онд 2.5 тэрбум сошиал медиа хэрэглэгчид байсан бол 2021 онд гэхэд
3 тэрбум гаруй болж өссөн нэг статистик харсан.
141