ТӨРИЙН АЛБАНЫ ШИНЭТГЭЛ 2022
ИЛТГЭЛ, НИЙТЛЭЛИЙН ЦАХИМ НОМ
ИЛТГЭЛ, НИЙТЛЭЛИЙН ЦАХИМ НОМ
- No tags were found...
Create successful ePaper yourself
Turn your PDF publications into a flip-book with our unique Google optimized e-Paper software.
зөвшөөрсөн тал уг шийдвэрийг мэдэгдсэнээс хойш 30 хоногийн дотор шүүхэд<br />
гомдол гаргаж болно.” гэж заасны “эс зөвшөөрсөн тал” гэдэгт дээрх заавал<br />
биелүүлэх үүргийг хуулиар нэгэнт хүлээсэн захиргааны байгууллага хамаарахгүй<br />
гэдгийг “ заавал биелүүлэх” тухай заалтаараа ялгаж өгсөн гэж үзэх үндэстэй. Энэ<br />
тохиолдолд “эс зөвшөөрсөн тал” гэсэн ойлголтод захиргааны байгууллага бус,<br />
харин захиргааны актын улмаас эрх нь зөрчигдсөн гэж үзэж байгаа иргэн<br />
хамаарна гэдэг байр сууринд ойлголтоо нэгтгэж нэг мөр дагаж мөрдөх нь<br />
захиргааны эрх зүйн онол, төрийн албаны хууль тогтоомжийн зорилго, зорилтод<br />
нийцнэ гэж үзэж байна.<br />
Захиргааны акт гаргасан албан тушаалтны хувьд эхлээд тухайн актын<br />
талаар гаргасан төрийн албаны төв байгууллагынхаа шийдвэрийг хуульд заасан<br />
үүргийнхээ дагуу, захирах захирагдах ёсны зарчмыг баримтлан заавал биелүүлнэ.<br />
Төрийн албаны зөвлөлийн шийдвэрийг тийнхүү биелүүлсний улмаас өөрөө албан<br />
тушаалаас халагдсан, чөлөөлөгдсөн, огцорсон тохиолдолд уг этгээд захиргааны<br />
шийдвэр гаргах эрх бүхий албан тушаалтны хувиар бус, уг шийдвэрээс эрх ашиг<br />
нь хөндөгдсөн иргэний хувиар шүүхэд ердийн журмаар жич гомдол, нэхэмжлэл<br />
гаргах боломжтой болно гэсэн байр суурьтай байгаа юм.<br />
ДҮГНЭЛТ<br />
Захиргааны хэргийн төрөлжсөн шүүх байгуулагдаад тодорхой хугацаа<br />
өнгөрсөн боловч түүнийг байгуулсан учир холбогдол, үйл ажиллагааны талаарх<br />
практикийн судалгаа, онол арга зүйн асуудалд анхаарал хандуулах явдал учир<br />
дутагдалтай байна. Иргэний эрхийг хөндсөн сөрөг нөлөөлөл бүхий захиргааны акт<br />
гаргасан төрийн байгууллагын нэхэмжлэлийг тус шүүх ихэнхдээ хүлээн авч хянан<br />
шийдвэрлэх ажиллагаа явуулдаг жишиг тогтсон нь үүнтэй холбоотой гэж үзэхээр<br />
байна. Энэ нь захиргааны акт гаргасан этгээдийн эрх ашгийг түүний дээд шатны<br />
захиргааны байгууллага, эсхүл тухайн актын талаарх гомдлыг хянан шийдвэрлэх<br />
чиг үүрэг бүхий захиргааны байгууллагаас хамгаалах зорилго захиргааны хэргийн<br />
шүүхэд хадгалагддаг мэт ташаа ойлголтыг нийгэмд төрүүлэх сөрөг үр дагаварт<br />
хүргэж байна.<br />
Захиргааны хэрэг шүүхэд хянан шийдвэрлэх тухай, Захиргааны ерөнхий<br />
хуулиудад Захиргааны хэргийн шүүх захиргааны дур зоргоос зөвхөн иргэн,<br />
иргэний хуулийн этгээдийн эрх, эрх ашгийг хамгаалах үзэл баримтлалыг<br />
хангалттай ялгамжтай тусгаж чадаагүй нь захиргааны хэргийн шүүхэд захиргааны<br />
акт гаргасан төрийн байгууллага шийдвэрээ хамгаалуулахаар нэхэмжлэл гаргах<br />
нөхцөлийг бүрдүүлжээ.<br />
Энэ талаар Улсын дээд шүүх хууль ёсны эрх хэмжээнийхээ хүрээнд<br />
гаргасан тайлбарыг 23 баримтлах асуудал захиргааны хэргийн нийт шүүхийн<br />
хэмжээнд нэг мөр шийдвэрлэгдээгүй байгаагаас шалтгаалан захиргааны акт<br />
гаргасан төрийн албан тушаалтны нэхэмжлэлийг шүүх хүлээж авах эсэх<br />
асуудлаар нэгдсэн байр суурь хараахан тогтоогүй байна. Үүнтэй холбоотойгоор<br />
захиргааны акт гаргасан захиргааны байгууллагын албан тушаалтан захиргааны<br />
дотоод хяналтын журмаар хянасан дээд шатны байгууллагынхаа шийдвэрийг үл<br />
зөвшөөрч, өөрийнхийгөө зөв хэмээн маргаж шүүхэд нэхэмжлэл гаргадаг, тухайн<br />
актын асуудлаар иргэд нэхэмжлэл гаргахдаа анхан шатны байгууллагын оронд<br />
26