ТӨРИЙН АЛБАНЫ ШИНЭТГЭЛ 2022

өнөөдөр төрийн албан хаагчдын цалин хөлсийг нэмэхгүй яваад байдаг. Тэгэхээр
судалгааг сайн хийсэн үү гэдэг асуудал бий.
Мөн төрийн албаны шалгалтыг улирал болгон ав гэдэг санаа хуулийн төсөлд бий.
Одоогийн манай журамд энэ санаа байгаа. Жилд нэгээс доошгүй удаа буюу хэдэн
ч удаа авч болно гэж. Өнөөдөр 8000 гаруй хүн нөөцөд байхад ахиад шалгалт
аваад байхаар нөөц маань хөлдөнгө, царцанги байдалд ороод байна. Дээрээс нь,
шалгалтын давтамжтай холбоотойгоор материаллаг бааз, санхүүжилтийг бас
хамтад нь шийдэх ёстой. 1995 оноос эхлээд өнөөдрийг хүртэл төрийн албаны
шалгалт зохион байгуулах санхүүжилт гэдэг зүйлийг төсөвт суулгаж байгаагүй.
Бид шалгалтын зардал гэж иргэдээс хурааж авсан багахан хэмжээний мөнгөөрөө
зохицуулдаг. Тухайлбал, нийслэлийн шалгалтыг авахын тулд ЕБС-иудаас
компьютер, ширээ сандал татлаа. Нэг ээлждээ 200 иргэн суугаад шалгалт өгөх
боломжтой танхим бүрдүүлэхийн тулд шүү дээ. Цар тахалтай холбоотойгоор
өнөөдрийн хувьд 140 иргэн суугаад шалгалт өгөх бололцоог бүрдүүлсэн. Бид
интернэтийн сүлжээ, цахилгааныг тогтвортой байлгах, интернэтийн хурдыг
нэмэгдүүлэх, ижил үзүүлэлт бүхий компьютероор хангах гээд маш олон техникийн
ажил гүйцэтгэдэг. Техник тоног төхөөрөмжөө ачиж, зөөвөрлөх, буцааж хүлээлгэж
өгөх гээд зардал багагүй гардаг.
Эх сурвалж: Н.БАЯР Үндэсний шуудан өдөр
тутмын сонин http://www.npost.mn
2021.11.16
✴ ✴ ✴
40