Ainas po su sardu - DOMU

110
8. S’AGETIVU
In Camp. partzeus s’agetivu, segundu sa bessida, in duas classis.
8.1. Sa primu classi est sa chi in su singulari masculinu bessit cun sa –u, comenti a
bonu; fait su femininu cun sa –a, comenti a bona, foras de is chi bessint cun –au (comenti
a strobau) chi faint su femininu cun –ada (comenti a strobada); su plurali bessit in –us a
su masculinu e in –as a su femininu (comenti a bonus e bonas, strobaus e strobadas).
8.2. Sa de duas classis est sa chi in su singulari siat masculinu siat femininu bessit
cun sa –i comenti a grai; bessint de custa arrègula sceti is agetivus chi a su masculinu
acabant a –ori, –eri, –oni (comenti a traitori, faineri, furoni), chi faint su femininu
cun sa –a (traitora, fainera, furona); su plurali bessit cun –is po ambaduus gènerus
(comenti a grais), foras de is femininus cun –ora, –era, –ona (chi bessint a –as).
S’agetivu setzit infatu a su nòmini chi s’arreferit: pipiu prexau; bìngia noedda.
Bessint de custa arrègula is agetivus bellu, bonu, malu, santu (chi tenint totu
is formas, masculinas, femininas e pluralis), grandu, primu, segundu, ùrtimu,
mesu (chi tenint is formas masculinas e pluralis sceti) e is agetivus no definius
(‡ 11.6.), chi podint setzi ananti de su nòmini puru: bellu piciocu; bonu proi; de
mala spètzia; Santa Maria; una grandu fèmina; sa primu, sa segundu, s’ùrtimu
dii; a mesu cida.
8.3. Gradus de cumparàntzia. Is gradus de cumparàntzia sunt de majoria, de
minoria e de paridadi.
8.3.1. Cumparàntzia de majoria. Dda faeus cun prus...de: sa domu de Giuanni
est prus bècia de sa de Frantziscu, ndi tengu prus de tui; est imperada sa forma
prus chi/ca no puru: gei est allutu prus chi no tui!
8.3.2. Cumparàntzia de minoria. Dda faeus cun prus pagu...de: su sirboni
est prus pagu lenti de su cerbu, ndi tengu prus pagu de tui.
8.3.3. Cumparàntzia de paridadi. Dda faeus cun che...(a): callenti che fogu,
bellu che a issu.
impag. Nuovo 110
9-03-2009, 19:07