Ainas po su sardu - DOMU

20
1. PRESENTADA
Segundu sa boluntadi de sa Regioni sa lìngua sarda e sa lìngua italiana tenint sa
matessi dinnidadi. Difatis sa corriedda 1 de s’art. 2 de sa Lei n. 26 de su 15/10/97,
intitulada Promozione e valorizzazione della cultura e della lingua della Sardegna,
narat: “Ai sensi della presente legge la Regione assume come beni fondamentali da valorizzare
la lingua sarda – riconoscendole pari dignità rispetto alla lingua italiana”.
Ma a ùndixi annus chi est intrada sa L. 26 podeus nai ca is duas lìnguas tenint
sa matessi dinnidadi in su paperi sceti.
Difatis:
a) studiendi s’Italianu podeus lompi a una làurea, a sa de lettere; studiendi su
Sardu a peruna làurea 1 ;
b) duncas po studiai s’Italianu s’agatant me is scolas unu biaxi de maistus laureaus
e abilitaus; po su Sardu no;
c) s’Italianu est matèria studiada amarolla, su Sardu no 2 ;
d) s’Italianu est fitianu me is trasmissionis pùblicas de arràdius e televisionis,
su Sardu no;
e) de arrègula totu is cartellus inditadoris de is bias statalis, provintzialis e comunalis
funt in Italianu, ma no in Sardu;
1 Duncas, sa làurea de lettere, chi incluit s’imparu, in Italianu, de is matèrias italianu,
stòria, giografia e, a segunda de su tretu, latinu, gregu e àteras matèrias, no torrat paris,
po s’imparu de su sardu, cun d–una làurea, chi a parrimentu nostu dda emus a depi nai de
sardìstica e chi depit inclui s’imparu, in Sardu, de is matèrias lìngua e literadura sarda, latinu
e gregu (po su tretu clàssicu), stòria, stòria de s’arti, giografia, scièntzias naturalis e sotzialis,
ambienti, mùsica e traditzionis de Sardìnnia.
2 Apitzus de su stentu lègiu chi est ponendi-nci su sardu po intrai in sa scola càstia
Parrimentus e inditus apitzus de sa proposta de lei regionali “Principi e norme per
l’educazione, l’Istruzione e la Formazione Professionale” de Oresti Pili in http://www.psdazfedca.it/contents/downloads/ras_ddl_49_29_pili.pdf,
e in http://www.orestepili.net
impag. Nuovo 20
9-03-2009, 19:06