Ainas po su sardu - DOMU

) no fait contu perunu de s’arraxoni de dònnia òmini a sa lìngua de bartzolu;
imoi, sa batalla chi s’òmini megat de cumbati in Sardìnnia de 50 annus po
s’arraxoni de sa lìngua sarda movit no contras de intrai s’italianu in Sardìnnia, ma
contras a sa chistioni ca a ddoi intrai s’italianu at bòfiu nai finas a imoi, a ndi segai sa
lìngua sarda, chi bolit nai a ndi-ddi pigai a su pòpulu sardu sa lìngua de bartzolu;
po sa lìngua de bartzolu s’òmini no at a abetiai mai tropu; po dda defendi s’ONU,
s’UNESCO e s’UE funt tostaus forti;
su primu dannu mannu chi connoscit su pòpulu chi ndi-ddi segant sa lìngua de
bartzolu po ndi-ddi inferri una stràngia in logu de sa sua, est una paberesa de paràulas
stravanada chi ndi-ddi bogat dònnia siguràntzia, pruschetotu a chini sa lingua noa
tocat chi dda imperit;
po unu pipiu italianu, chi agatat a scola una lìngua chi est sa lìngua de bartzolu
etotu, est discansosu a si-ndi scabulli de dònnia barrancu chi ddu atraessat imparendi
s’italianu, ca podit pediri a sa mama: “Ita ddi nant a sa fèmina de nipote?”, chi ddi at
a nai “La nipote”. Aicetotu no est po unu pipiu sardu ca sa lìngua chi agatat a scola
no est sa lìngua de bartzolu;
si fessit, po contras, sa matessi, podiat pediri a sa mama: “Ita ddi nant a sa fèmina
de nebodi?”, e issa ddi iat a arrespundi: “Neta”;
sa chistioni de sa lìngua de bartzolu nosi est tocau a dda fai po cumprendi ca sa
LSC est, diaderus, tambeni lìngua de bartzolu po is chi fueddant Logudoresu, ma
no est lìngua de bartzolu po is chi fueddant Campidanesu;
difatis, de s’ora chi is diferèntzias intra de is duas normas de sa lìngua sarda
funt tropu mannas, no fait chi unu pipiu campidanesu, chi intendit in su Logu suu
centu o cuàturu, ddu pongant (a scola) a nai chentu o bator (aicetotu po unu pipiu
cabesusesu chi ddu ponessint a nai centu o cuàturu) sena de lompi a cumprendi ca
s’òmini at gherrau 50 annus po debadas po s’arraxoni de sa lìngua de bartzolu;
c) no ndi bessit de perunu arraxonu mannu e de parri perunu, ni de su chi est
fitianu a sa lìngua sarda, ni de is logus de s’istrutzioni e de sa cultura, che scolas
e universidadis, ni de is logus cuncordaus po espressai e arrapresentai su parri
de su Pòpulu sardu, che is Comunus, is Provìntzias e su Consillu regionali;
in prus, su contu ca a sa Regioni ddi iat a tocai po lei a ndi strantargiai una lìngua
sarda a una norma sceti, est una fàula manna che unu monti;
perunu Logu democràticu, foras de su chi est intzimiau de machìmini, iat a stabilessi
de ghetai a s’àliga una parti de sa cultura sua. E nemus in su mundu podit pensai
de ponni unu Logu a imperai una bariedadi sceti, impasa de duas o tres o cuàturu;
su de detzidi de cuncordai una lìngua sarda a una norma sceti ndi bessit, po
contras, a parrimentu nostu, de sa conca de unus cantu intelletualis e polìticus, chi,
forsis, si funt bisaus de bivi in s’Otuxentus po podi pensai ca is lìnguas si potzant
tambeni ghetai a s’àliga a decretu;
seus de su parri, tambeni, ca is chi ndi ant bogau a pillu ca su sardu depiat essi
30
impag. Nuovo 30
9-03-2009, 19:06