Ainas po su sardu - DOMU

18
Arrègulas
po s’ortografia, sa fonètica,
sa morfologia e su fueddàriu
de sa bariedadi CAMPIDANESA 1
de sa LÌNGUA SARDA 2
(de imperai:
– in sa Regioni Sarda, paris cun s’àtera bariedadi de sa lìngua sarda, su LOGU-
DORESU 3 ;
– in is Provìntzias e in is Comunus aundi s’òmini fueddat su Campidanesu;
– me is scolas e ofìtzius pùblicus de is logus aundi s’òmini fueddat su Campidanesu).
1 Po bariedadi campidanesa, o Campidanesu (de imoi innantis Camp.), boleus nai su
Campidanesu generali (o comunu) imperau in poesia pruschetotu de is cantadoris campidanesus,
e chi apicigat giai a pari cun sa bariedadi diatòpica de giossu, chi movit de Casteddu
e sprundit a is Logus a su costau cosa sua, conca a is duus orus de mari.
2 Sa lìngua sarda est una lìngua a duas (macro) bariedadis diatòpicas (diasistemas sintzillus
etotu) e literàrias chi tenint – e depint tenni – sa matessi dinnidadi: su Campidanesu
e su Logudoresu. Duncas de imoi innantis espressadas che lìngua sarda o Sardu inditant
is duas bariedadis o chistionis chi ddas pertocant. Intrendi in sa chistioni scientìfica de custu
traballu, de s’ora chi sa lìngua sarda est una, a duas bariedadis, eus a fueddai de unu
standard (su de sa lìngua sarda) a duas normas (sa norma de su Campidanesu e sa norma
de su Logudoresu).
3 Po bariedadi logudoresa, o Logudoresu (de imoi innantis Log.), boleus nai su Log.
generali (o comunu) imperau in poesia, pruschetotu de is cantadoris logudoresus.
impag. Nuovo 18
9-03-2009, 19:06