Da hadde vært litt kult visst vi hadde snakka strilsk om hondra år”

For variabel 1 og 2 har informant 1 noko fleire yngre former i 2009 enn i 1983. For
informant 2 har mellomformene auka meir enn dei yngre formene for variabel 01, medan det
ikkje er belegg frå 1983 for denne informanten når det gjeld variabel 02. Informant 4 er svært
stabil når det er tale om variabel 01, men har noko meir yngre former i 2009 enn i 1983.
Variabel 02 hadde i 1983 berre eldre former, medan det fordeler seg med høvesvis 25 % og
75 % for nyare og eldre former i 2009. Informant 4 har ingen belegg på variabel 02 i 1983,
men i 2009 har han fleire yngre enn eldre former. På variabel 01 har han fleire eldre former i
2009 enn i 1983.
For alle dei fire panelinformantane er variablane 05, 06 og 07 stabile. Alle har 100 % eldre
former både i 1983 og 2009.
Variabel 03 er svært stabil hjå informant 3 og 4, altså dei som var i mellom-gruppa i 1983
og er i eldre-gruppa i dag. Hjå informant 1 og 2 er det derimot litt variasjon. Hjå informant 1
har talet på palatale førekomstar minka litt. Hjå informant 2 har talet på palatale førekomstar
auka mykje mellom opptaksåra.
Når det gjeld variabel 04 er det litt variasjon. Informant 1 har i 1983 berre eldre former
både for sterke og svake substantiv. I 2009 hadde han 63,6 % mellomformer av svake
substantiv og ingen nye former. Av sterke substantiv hadde han 15,4 % nye former, ingen
mellomformer. Informant 2 har òg berre eldre former av sterke substantiv i 1983. I 2009 har
det derimot minka noko, og talet på yngre former har stige litt. Ho har ingen belegg på svake
substantiv i 1983, men i 2009 er det slik at ho har ein del mellomformer (ingen yngre former).
Informant 3 har berre eldre former begge år når det gjeld dei svake substantiva. Denne
informanten har den –A-endinga som finst enkelte stader i kommunen, og den må reknast som
eldre form. Derfor har informanten noko mindre eldre former i 1983 og berre eldre former i
2009. Informant 4 hadde berre eldre former av sterke substantiv i 1983 mot 80,9 % i 2009.
Dei svake substantiva har fleire eldre former i 2009 enn i 1983. I 1983 hadde ho litt
mellomformer, men ingen av desse i 2009. Yngre former har ho litt av i 2009 og ingen i 1983.
Dei unge i 1983 snakka altså så likt dei vaksne at når dei går inn i same stabile masse.
5.7 Reliabilitet og validitet
Som ein ser av tabellane, er det i mange tilfelle svært fåe belegg frå 1983 samanlikna med
2009. Det gjeld resultata frå både trend- og panelgranskinga. Det fører til noko svekka
reliabilitet og validitet. Likevel er det resultat, og eg har valt å ha det med. Sjølv om det ikkje
er heilt reliabelt, kan det vera med på å gi ein peikepinn på korleis språket var. Og det som eg
92