Da hadde vært litt kult visst vi hadde snakka strilsk om hondra år”

Vedlegg 5: Samtykkeskjema, ungdomsskuleelevar
Øygarden ungdomsskule
Til føresette for _______________________
I samarbeid med Prosjektet Dialektendringsprosessar sender vi ut informasjonsskrivet
nedanfor med førespurnad.
Vennleg helsing
Stein Vidar Risløw
FØRESPURNAD OM DELTAKING I FORSKINGSPROSJEKT
Prosjektet Dialektendringsprosessar ved Universitetet i Bergen studerer språkbruk og
holdningar til språk på utvalde stader på Vestlandet. Formålet med studien er å forstå
generelle endringsmønster i språk og samfunn på Vestlandet. Til denne granskinga ønskjer vi
å ha samtale med mellom anna 8 elevar ved ungdomsskulen i Øygarden. Samtaleemna vil
dreia seg om kino, skulekvardagen, framtidsønske og heimstaden. Det blir gjort opptak under
samtalen, som vil ta omtrent ein time og skjer på ungdomsskulen. Samtalen skjer med to
elevar saman.
Einaste kravet vi set når vi vel ut elevar, er at dei har vakse opp i Øygarden etter 6-
årsalderen. For informantar under 18 år må ein føresett godkjenna at eleven kan vera
informant. Derfor ber vi her om ein av dei føresette om løyve til slik samtale på Øygarden
ungdomsskule ein gong i september–oktober 2009. Det er frivillig å vera med, og ein kan
trekkja seg utan grunngiving når som helst undervegs inntil prosjektet er ferdig i 2012. Viss
nokon trekkjer seg, blir namnet og andre opplysningar sletta frå arkivet vårt. Prosjektet er
meldt til Personvernombodet for forsking, Norsk samfunnsvitskapleg datateneste A/S.
Vi gjer berre språklege analysar, men på grunn av det offentlege regelverket blir
opptaka av samtalane behandla som konfidensielt materiale, og ingen enkeltpersonar skal
kunne kjennast igjen i rapportar frå studien. Namnet på deltakaren og ev. namn på andre
personar blir endra til talkodar ved behandlinga av materialet. Materiale og kodesystem blir
lagra på ulike stader. Personane som har tilgang til materialet, har teieplikt. Etter prosjektslutt
ønskjer vi å lagra intervjumaterialet i Målføresamlinga ved Institutt for lingvistiske, litterære
og estetiske studium, Universitetet i Bergen. Om nokon ønskjer å bruka same materialet i eit
nytt tilsvarande forskingsprosjekt om språk, blir det sendt ny melding til Personvernombodet.
Det ville gle oss om du/de gir løyve til denne samtalen, og vi ber vi deg skriva under
på samtykkeslippen nedanfor og la eleven ta han med tilbake til skulen snarast råd.
Viss det er noko du lurer på, kan du ringja meg på 55 58 24 05, eller senda ein e-post
til helge.sandoy@lle.uib.no.
Med vennleg helsing
Helge Sandøy
Nordisk, LLE
Boks 7805, 5020 Bergen
Til prosjektet Dialektendringsprosessar
Samtykkeerklæring:
Eg har fått informasjon om prosjektet, tillèt at ______________________ stiller til samtale i
september–oktober 2009, og godtek at denne samtalen blir brukt i til forskingsformålet som er
nemnt i skrivet ovafor, og oppbevart i Målføresamlinga ved Universitetet i Bergen.
132