Da hadde vært litt kult visst vi hadde snakka strilsk om hondra år”

substantiva og ikkje dei svake, veit eg ikkje. Men eg hugsar frå min oppvekst at når vaksne og
eldre folk vart engasjerte og snakka med folk frå andre stader, vart det ofte litt andre variantar
enn det som var vanleg. På opptaka mine er svært mange av dei eldre og vaksne engasjerte i
sine samtalar med Antonesen. Han pratar med dei om samferdsle, økonomi og fritid, og det
var heilt tydeleg noko som engasjerte folk i 1983. Dei fleste kritiserar båt, ferje og buss for at
dei går så sjeldan, og mange snakkar om den lange reisa til byen. Dei som jobba i byen
snakka òg om kor lite fritid dei fekk. Dette fører til at dei snakkar fort og litt oppkava. Eg har
ingen gode forslag til ei forklaring på dette, men eg kjenner det att frå Radøy. Kanskje har
Antonesen med sitt bergenske talemål påverka dei? Uansett er det påfallande at det
hovudsakleg er dei sterke substantiva som har fått yngre form.
5.6 Resultat frå panelgranskinga
Til denne delen av granskinga skulle eg i utgangspunktet ha åtte panelinformantar. Her kan eg
berre peika på nokre hovuddrag, slik at det vert ikkje fullt ut ei ordentleg kvalitativ gransking.
Eg har valt ut fire av dei panelinformantane eg har intervjua, ei kvinne og ein mann frå
mellom-gruppa (yngre-gruppa i 1983) og ei kvinne og ein mann frå eldre-gruppa (mellomgruppa
i 1983). Det er to grunnar til at eg ”berre” har fire. For det første er det nokre av
panelinformantane eg har få belegg på, spesielt i materialet frå 1983. På nokre av variablane
har dei ingen belegg. Då meiner eg at det ikkje er like gunstig å bruka dei som
panelinformantar, men at dei likevel gjer god nytte i trendgranskinga.
Generelt sett er det slik at informantane har mange fleire belegg i 2009-materialet enn i
materialet frå 1983. Det betyr ingenting for prosenttala.
5.6.1 Informant 1
Dette er ein mann som er fødd i 1969. Han var i yngre-gruppa i 1983 og er i mellom-gruppa i
dag (årsklasse III). Informanten har vidaregåande skule som høgaste utdanning. Han oppgir at
han snakkar striledialekt, og seier at han av og til skiftar til bokmål i jobbsituasjonar når han
føler at andre ikkje forstår. Han har budd i Bergen i 10 år og i Øygarden resten av livet. Han
er svært positiv til lokalmiljøet og striledialekten. Han er negativ til Bergen og bergensk, og
reiser ikkje til Bergen med mindre han må (møte med jobben).
81