Da hadde vært litt kult visst vi hadde snakka strilsk om hondra år”

5. Eg trur at det er fleire førekomstar av yngre former sør i kommunen enn nord i 2009,
og at skilnaden var mindre i 1983.
5.4 Resultat frå trendgranskinga
I presentasjonen av resultata har eg prioritert å få med dei resultata som er mest interessante i
forhold til problemstillingane og hypotesane mine. Det har ført til at eg har slått saman ein del
sosiale variablar i same tabellen, noko som kan gjera det litt vanskeleg å lesa. Eg
kommenterer derfor kvar tabell grundig. Den sosiale variabelen kjønn har eg i stor grad valt
vekk frå den vidare presentasjonen og drøftinga. Det er fordi at det er den variabelen som er
minst relevant i forhold til det denne oppgåva handlar om, og det eg hovudsakleg søkjer å
finna ut av. Kjønn er ein interessant variabel, men eg meiner at med den plassen eg har til
rådvelde i ei slik oppgåve, kan eg ikkje behandla alt like grundig. Eg har derfor laga ein tabell
som viser resultat med kjønnsvariabelen som vedlegg 9. Den er berre kort kommentert, og
som ein kan lesa ut av han, er ikkje kjønnsforskjellane store eller sentrale i mine
undersøkingar.
5.4.1 Variabel 01: Ò-Ø-Å
Denne første tabellen viser skilnaden mellom opptaksåra, uavhengig av kjønn, alder og
lokalitet. Variantane er Å [ɔ], Ò [ò] og Ø [ø]. Å er rekna som den yngre forma, Ò som eldre
form og Ø som ein mellomvariant.
Tabell 5.1
Variabel 01 og opptaksår. Skåring i prosent og (belegg).
Variabel 01
År Å Ò Ø Sum
1983 17,8 (144) 81,0 (656) 1,2 (10) 100
2009 34,3 (602) 63,7 (1119) 2,0 (35) 100
Ser ein av denne tabellen, er ikkje skilnaden mellom 1983 og 2009 påfallande stor. Vel 80 %
av førekomstane har den eldre forma (Ò) i -83, medan vel 60 % har den eldre forma i -09.
Berre 18 % av førekomstane i -83 hadde den yngre forma, medan om lag 30 % av
førekomstane i 2009 var den yngre forma. Samanliknar ein så dette med den neste tabellen,
ser ein at yngre-gruppa i 1983 brukte den eldre forma i langt større grad enn yngre-gruppa i
2009.
61