Da hadde vært litt kult visst vi hadde snakka strilsk om hondra år”

heller ikkje råd å påvisa at det er den høgare bergensvarieteten som påverkar. Dersom ein skal
lokalisera språkdraga på nokon måte, er det nærmaste ein kjem, bergensk gatespråk (Bergen
låg). For å underbyggja dette kan ein sjå på nokre av språkdraga. Kasta som vert til kastar fell
saman med gatespråket i Bergen. I det som er omtala som høgbergensk, heiter det kaster.
Infinitivsending og avpalatalisering kan vera austlandsk, men det kan òg vera bergensk. Dette
er trekk som dominerer i heile Noreg, og som ein finn over alt. Preteritum og perfektum
partisipp, som vert til kastet, kan koma i frå høgare austlandstalemål, men det kan òg koma frå
bergensk gatespråk eller høgare talemål. Felleskjønn for substantiv kan gjerne vera
frognermål, men det er meir sannsynleg at det er bergensk. I dag er det ein del hokjønnsord
endåtil i fint bokmål, medan bergensk ikkje har hokjønnsord i det heile. Dette trekket kjem
derfor mest truleg frå bergensk.
Bergen, regionssenteret, ser altså ut til å vera meir aktuell som påverknadskraft enn det
nasjonale sentret (og då talar eg om gatespråket i regionssenteret). Det tyder på at det anten er
lågbergensk, bergensk generelt eller Noreg generelt som påverkar språket i Øygarden.
Ein kan òg snu på flisa og spørja seg om ikkje ein like gjerne kan seia at den konkrete
språkbruken og språkendringa kan vera med og påverka haldningane? Det er jo slik at dei
varietetane ein er utsett for og høyrer ofte, vil ein akseptera i stor grad. Og det kan kanskje
vera med og forklara at til dømes austlandsk kjem svært høgt opp i dei fleste resultata frå
dialektmasketesten i Øygarden. For ein høyrer jo den dialekten i radio og fjernsyn kvar dag,
men det betyr ikkje at ein legg om til austlandsk av den grunn.
Sjølve haldningane skal eg ikkje gå nærmare inn på her. Det gjer oppgåva til Aasmundseth
(2010), som utelukkande handlar om språkhaldningar. At både bevisste og underbevisste
språkhaldningar kan vera ein forklaringsfaktor når det gjeld faktisk språkbruk, skal ikkje eg
utelukka. Men det fell utafor området for denne oppgåva.
6.3.3.2 Kontakt og språksamfunn
Det finst mange typar kontakt. Ein har den direkte og konkrete kontakten, som til dømes at
folk flyttar, men ein kan òg ha ei meir vag form for kontakt. Mykje av det eg meiner med vag
kontakt, har vorte viktigare og viktigare i den seinare tid. Til dømes er media viktige,
skriftmålet og sosiale medium. Det er ikkje berre den direkte kontaktflata som har vorte
større. Dei siste åra har sosiale medium vorte svært utbreidde. Det er nettsamfunn (som til
dømes Facebook og andre chattesider) der ungdom (og vaksne) kan snakka med kvarandre.
Eit kjent fenomen er at den skriftlege kommunikasjonen i slike nettsamfunn føregår på eit
102