Da hadde vært litt kult visst vi hadde snakka strilsk om hondra år”

samanliknar eit utval av personar som no tilsvarar dei som Antonesen gjorde opptak med i
1983. Ein vil få eit diakront perspektiv på korleis språket varierer og endrar seg, og fordi det
har gått tid sidan den første undersøkinga, kan ein ved denne typen undersøking seia noko om
språklege trendar i samfunnet (Meyerhoff, 2006:131).
Trendstudien seier oss noko om kollektivet (jf. mikro- og makronivå i kapittel 3). Han viser
oss den variasjonen som eksisterer mellom årsklassane og aldersgruppene i dag, og dei
endringane som har skjedd i gruppene sidan 1983.
4.3.2 Panelstudie
Ein panelstudie er den delen der ein intervjuar informantar på nytt. Informantar som ein har
opptak av frå tidlegare, og som ein gjer opptak med på nytt, er panelinformantar. Eg har
opptak av informantar frå 1983, og hadde i utgangspunktet trekt ut åtte 11 av desse som
panelinformantar. Ved å samanlikna gamle data med nye kan ein kan ein sjå synkron
variasjon i eit diakront lys på individnivå. Denne typen studie kan vera eit supplement til
trendstudien, for det seier noko om endring og variasjon på mikronivå i samfunnet.
(Meyerhoff 2006:130ff.) Panelstudien nærmar seg kvalitative studiar, på den måten at ein
forstår enkeltindivida i stor grad.
På denne måten vil ein få eit svært nøyaktig og godt bilete på den eventuelle språkendringa
som eventuelt har skjedd, både enkeltindivid si språkendring, variasjon mellom aldersgrupper
og kjønn, og den generelle endrings- og variasjonstendensen i samfunnet Øygarden.
4.4 Dialektendringsprosessar
I prosjektet Dialektendringsprosessar har prosjektdeltakarane utarbeidd metoden saman. Dette
er gjort for at han skal kunna brukast på fleire stader og i andre granskingar, slik at ein får
samanliknbare resultat. I dette prosjektet er det hovudsakleg kvantitativ metode som er brukt.
Grensene mellom det kvalitative og det kvantitative kan, som eg har vist i kapittel 4.2
diskuterast. I mitt prosjekt har eg talt opp og generalisert over resultata og funna mine, og laga
statistikk over kva eg har kome fram til. Men eg har òg panelinformantar, noko som i større
grad minner om det kvalitative. Eg vil likevel seia at denne granskinga i hovudsak er
kvantitativ, men på grunn av det individuelle aspektet med panelinformantar er det innslag av
det kvalitative. Det fungerer som eit slags supplement til den kvantitative delen. Gjennom å
11 Sjå kapittel 4.9.2 og 5.6.
45