Da hadde vært litt kult visst vi hadde snakka strilsk om hondra år”

eller om ein finn andre interessante mønster. Spørsmålet er om, og eventuelt korleis,
underbevisste språkhaldningar kan vera med og forklara dei endringane som faktisk skjer i
språket.
Me har gjennomført ein haldningsdel der me ville freista å måla underbevisste haldningar,
og ein del der det var dei bevisste språkhaldningane som skulle koma til uttrykk. Me har brukt
skuleklassar frå ungdomsskulen, lærarar (som skal tilsvara midtgruppa (sjå kapittel 4.5.1 om
informantutval)) og pensjonistar. Første oppgåva for respondentane var å evaluera ulike
personar som me har gjort bandopptak med. Bandet vart spelt av, og der var det ulike
talemålsvarietetar. Alle som snakkar, er jenter i tjueåra. Respondentane skulle kryssa av i åtte
ulike skalaar, som gjekk frå slett ikkje til svært, og spørsmåla galdt personlege eigenskapar
som til dømes: Er ho klok? Respondentane fekk ikkje opplyst føremålet i forkant, og dei fekk
dårleg tid på å kryssa av. Når runde éin var ferdig, fekk informantane vita føremålet, og skulle
så geografisk plassera varietetane dei hadde høyrt, i tillegg til å rangera dei. Først rangerte dei
etter kva dei likte best, så etter kva for status dei trudde varietetane hadde allment i
samfunnet. I plasseringsdelen vart varietetane avspelte på nytt. I rangeringsdelen fekk dei ei
liste med namn på varietetane, som dei skulle skriva tal inn i.
Det er mykje ved dette ein kan problematisera, mellom anna at det var ulike stimuli under
bevisst og ubevisst testing. I del ein fekk dei lytta, i del to fekk dei stikkordsliste. Ein annan
ting er at me aldri heilt kan vita kva det eigentleg er me har målt. Me har òg hatt litt problem
med dei eldste respondentane, for pensjonistane hadde litt problem med å følgja med, då det
går relativt fort i den første delen.
I dei følgjande kapitla presenterer eg resultat, og deretter drøftar eg dei. Til slutt gjer eg
meg nokre avsluttande refleksjonar i eit avslutningskapittel.
59