Da hadde vært litt kult visst vi hadde snakka strilsk om hondra år”

liten grad bruka. Likevel er materialet godt og lydopptaka jamt over gode og tener såleis mitt
føremål, slik at dei er vorte digitaliserte, utskrivne og koda like eins som det nye materialet.
Hovudskilnadene er at han hadde leseliste for dei yngste, eg har same samtale for alle. I
tillegg delte han inn informantane geografisk, medan eg har prøvd å få eit så tilfeldig utval
som muleg. Derfor bruker eg ei geografisk inndeling som berre skil mellom nord og sør i
Øygarden 12 . Antonesen sine stader plasserer seg naturleg inn i den inndelinga, og det blir ei
jamn fordeling av informantar frå nord og sør. Eg ville forsøkja å laga ein naturleg situasjon
og valde av den grunn å la panelinformantane ta med seg ein kjenning, noko som òg førte til
at eg har hatt parintervju, ikkje enkeltintervju (jf. kapittel om informantutval). Det siste som
skil seg, er at han har med alle aldrar. Eg har delt gruppene mine inn på ein litt annan måte (jf.
kapittel 4.5.1).
Ein kan kanskje diskutera datamaterialet sin reliabilitet med tanke på desse skilnadene i
innsamlingsmetode. Det er bevisste val eg har gjort, og dei er det fleire grunnar til. Eg vil i
mitt materiale søkja å få flest muleg belegg frå informantane gjennom ”naturleg tale” (om ein
kan kalla det det). Derfor hadde eg inga leseliste til ungdomane slik Antonesen hadde. Sjølv
om dette avvik noko frå Antonesen sin metode, er det òg i hans intervju ”naturleg tale”
innimellom som eg samanliknar med. Det som ungdomane les opp i hans intervju, har eg
markert i transkripsjonen (jf. kapittel 4.8). Det andre er at eg og Dialektendringsprosessar har
forsøkt å utarbeida ein metode som kan brukast i ettertid. Det er òg viktig at ein skal kunna
samanlikna dei fem ulike stadene prosjektet femnar om, for å kunna oppfylla
hovudmålsetnaden, nemleg å seia noko om generelle endringsmønster på Vestlandet. Dei fåe
og småe avvika som er mellom materialet frå 1983 og materialet frå i dag, trur eg ikkje har
store konsekvensar. Vidar Antonesen sine informantar plasserte seg fint inn i dei
aldersgruppene og årsklassane Dialektendringsprosessar opererer med, og første del av
samtalane mine handlar om det same som samtalane handla om for 26 år sidan, nemleg laust
og fast om arbeid, fritid og Øygarden.
Figur 4.2 Metodiske skilnader mellom 1983 og 2009.
1983 2009
Fonologi
Sosiolingvistikk
Leseliste for dei yngste Same type samtale med alle
Enkeltintervju
Parintervju
Utval etter geografi Tilfeldig utval uavhengig av
geografi
12 Eg bruker den tidlegare kommunegrensa, som går på Tjeldstø (sjå kart i kapittel 2).
48