Da hadde vært litt kult visst vi hadde snakka strilsk om hondra år”

4. Metode
4.1 Generelt om metode
Metode er kanskje det aller viktigaste for kva ein får ut av ei gransking. Når ein skal velja
metode, er det mange omsyn å ta. Problemstillinga som er valt, er det mest avgjerande for kva
metode ein vel, fordi at metoden ein vel, er heilt avgjerande for kva ein kan finna ut noko om
(Akselberg og Mæhlum 2003:71-72). Nokre grunnleggjande vitskaplege krav må vera
oppfylte når ein skal i gang med ei gransking, og dei to viktigaste kvalitetskriteria for
datamaterialet er reliabilitet og validitet. Reliabilitet viser til kor påliteleg materialet er. Dette
kjem til uttrykk i at ein skal få identiske data dersom ein bruker same innsamlingsmetode ved
ulike datainnsamlingar om det same. Det handlar om samsvar mellom datasetta. Validitet
viser til datamaterialet si gyldigheit for dei problemstillingane som skal svarast på, og
validiteten er høg dersom ein har fått data som er relevante for problemstillinga. Ein kan seia
at validitet er eit uttrykk for kor godt materialet speler til intensjonen med granskinga og
innsamlinga, og det inneber at validitet avheng av korleis undersøkingsopplegget er utforma.
Validitet og reliabilitet både utfyller og delvis overlappar kvarandre, då dei refererer til ulike
føresetnader for datakvalitet, samstundes som høg reliabilitet er ein føresetnad for høg
validitet. Dette går ikkje motsett veg. Reliabiliteten er uavhengig av validitet, fordi
datamaterialet kan vera påliteleg sjølv om det ikkje er relevant for problemstillingane.
(Grønmo, 2004:217ff.)
4.2 Kvantitativ og kvalitativ metode
Eit svært viktig spørsmål når ein drøftar sosiolingvistisk metode, er om ein vil ha kvalitative
eller kvantitative data 9 . Skilnaden mellom desse er at ein ved bruk av (frå no av kalla)
kvantitativ metode vektlegg å få oversikt over språksituasjonen i eit samfunn. Ein
kvantifiserar, eller tel opp, dei språklege og sosiale tilhøva ein vil undersøkja. Resultata vil i
stor grad kunna generaliserast, slik at dei vert gyldige ut over akkurat dei informantane som er
plukka ut, fordi ein har eit tilnærma tilfeldig og representativt utval. Objektive storleikar er
vanlegast å ha med som sosiale variablar, slik som alder, kjønn og lokalitet. Om ein vel å
bruka kvalitativ metode, er poenget for eksempel å få eit djupare innsyn i motiva for den
9 Grønmo (1996:73) viser til at omgrepa kvalitativ og kvantitativ først og fremst refererer til ein eigenskap ved
dataa som vert samla inn. Tilnærmingar kan derfor sjåast på som kvalitative eller kvantitative på bakgrunn av om
dei omfattar innsamling av kvalitative eller kvantitative data.
42