Da hadde vært litt kult visst vi hadde snakka strilsk om hondra år”

seg ikkje gjera å seia det. Føremålet med granskinga må avgjera kva ein definerer som
språksamfunnet, for ein har språksamfunn på mange nivå, både globalt, nasjonalt og lokalt
(Hernes, 2006:54) (jf. kapittel 2).
Når Øygarden no er ein samla kommune, har det ført til at mykje er felles. Det er eit større
fellesskap innover enn utover. Dei har felles ungdomsskule, felles administrativt og politisk
styre, felles basseng og bibliotek. Dei røyster ved dei same vala, dei vel deira felles styre.
Fotballag, korps, kor, motorsykkelklubb og dei fleste andre organisasjonar er ikkje felles med
andre kommunar eller stader. Dei har sin felles strileidentitet. I samtalane med informantane
får eg vita at alle er svært opptekne av at dei er strilar og øygardingar. Mange peikar òg på ein
strileidentitet og eigen kultur, og mange viser til at han har vorte utvatna dei siste åra både på
godt og vondt.
Slik eg ser det, er det heilt legitimt å kalla Øygarden for eit språksamfunn. Som eg skriv i
kapittel 3.4.2.2.3 om nettopp språksamfunn, så skjer det stadig ei utvikling i kommunen, men
det er framleis slik at det dei har felles, det har dei felles. Og det er førebels ikkje endra av at
det innafor dette samfunnet har skjedd store endringar i form av mellom anna tilflyttarar og
samferdsle. Samfunnet endrar seg, men det ekspanderer ikkje.
4.9 Informantutval
Det finst fleire måtar å velja ut informantar på. I kvalitative granskingar er det vanleg med eit
strategisk utval. I og med at det er få informantar, er det viktig at dei fungerer som
”prototypar”, altså representantar for ulike og typiske språklege praksisar i området.
(Akselberg og Mæhlum, 2003:77-78.) Skal ein derimot gjera ei kvantitativ gransking, har ein
fleire alternativ. Ein kan gjera tilfeldig utval, slik at alle i populasjonen statistisk sett har like
stor mulegheit til å koma med, eller ein kan gjera systematisk utval. Det kan til dømes vera å
trekkja ut kvart 14. individ frå telefonkatalogen.
4.9.1 Avgrensing av populasjonen
Dialektendringsprosessar bruker hovudsakleg kvantitativ metode. Me vel ut informantane
tilfeldig i stor grad, men set likevel visse kriterium, slik at dei skal kunna verka som
prototypar for Øygarden. Slik sett har ikkje alle som er ein del av språksamfunnet Øygarden,
lik mulegheit til å koma med. Når ein skal velja ut informantar til ei kvantitativ gransking, er
50