Da hadde vært litt kult visst vi hadde snakka strilsk om hondra år”

korrekturlesne. Likevel er dei slett ikkje perfekte. Småfeil vil alltid finnast, men av praktiske
og tidsmessige årsaker må ein seia seg nøgd med at dei er vorte korrekturlesne ein gong.
Filene har deretter vorte lagde inn i prosjektkorpuset, slik at eg lett kunne søkja opp dei
variablane eg var interessert i.
Som nemnt i førre underkapittel snakkar informantane av og til om korleis dei seier ulike
ting. Eg har under transkripsjonsarbeidet vore svært nøyen med å markera dei gongane
informantane snakkar om korleis dei seier orda. Dei belegga det gjeld, har eg ikkje merkt og
tatt med i analysen. I mitt materiale gjeld dette hovudsakleg tredje del av samtalen, altså den
delen eg har kalla leik. I Antonesen sitt materiale gjeld det hovudsakleg i ungdomsintervjua,
der han opererer med ei slags leseliste. Desse belegga er heller ikkje merkte og medrekna i
analysen.
Nokre av variablane (til dømes V02 (dn>rn)) kan ikkje alltid ha den eldre forma i nye ord.
Når eg merka variablane mine, fekk eg hjelp frå to vaksne strilar frå Radøy som sjekka at orda
kunne ha begge variantane. Slik har eg unngått å merka ord som ikkje kan ha variasjon.
4.13 Språkhaldningar
Som eg skreiv i kapittel 1.5, femnar Dialektendringsprosessar kring meir enn berre å
undersøkja faktisk språkbruk. Det har vorte gjennomført ein dialektmasketest i Øygarden i
forkant av innsamlinga av det språklege materialet. Kathrine Aasmundseth skriv
masteroppgåve om dette, men den er endå ikkje ferdig. Her vil eg svært kort gjera greie for
kva som vart gjort. I kapittel 5 viser eg nokre resultat, og i kapittel seks gjer eg kort greie for
korleis enkelte meiner underbevisste språkhaldningar kan vera med og forklara språkendring.
Det metodiske opplegget for undersøking av bevisste og underbevisste språkhaldningar er
svært omfattande, men her har eg ikkje plass til meir enn å gi eit kort innsyn i det arbeidet
som er lagt ned der. Ei utførleg beskriving, problematisering og argumentasjon finn ein i
Aasmundseth (2010) si oppgåve. Masketesten har allereie vorte gjennomført fleire stader,
men i denne oppgåva har eg fokus på opplegget i Øygarden.
Dialektmasketest er ei type undersøking som har vore godt utprøvd i Danmark, med Tore
Kristiansen som drivande kraft. Bakgrunnen for at me i dette prosjektet har gjennomført ei
liknande undersøking, er at ein i Danmark har funne svært klare mønster, som korrelerer med
dei språkendringane som har skjedd. I og med at Danmark og Noreg er i to svært ulike
dialektsituasjonar, så kunne det vera interessant å sjå om ein finn dei same mønstra i Noreg,
58