Da hadde vært litt kult visst vi hadde snakka strilsk om hondra år”

60 år og eldre. I kvar gruppe var det ni informantar, og i den yngste aldersgruppa var det ikkje
jamn fordeling. Der var sju av informantane mellom fjorten og femten år.
4.5.2 Innsamlinga
Språkprøvene for 21 av informantane er innsamla ved besøk og samtale i heimen. Desse var
tilfeldig valde ut ved at han oppsøkte folk som var å treffa heime. Han gjekk rundt på ulike
tider av dagen, slik at både heimearbeidande og utearbeidande vart representerte. For seks av
informantane vart opptaket gjort på skulen, og desse var plukka ut av lærarane.
4.5.3 Intervjusituasjonen
Alle vart intervjua enkeltvis. Ved sju tilfelle var det andre i rommet, og det var alltid nære
slektningar, som formelt sett ikkje er med på intervjuet. Ingen av dei som vart oppsøkte
heime, vart opplyst om føremålet med opptaket. Emne for samtalen var ofte øygardsdialekten
og dialektar reint allment, og Antonesen brukte innebygd mikrofon for at ikkje informantane
skulle verta for opptekne av den.
4.5.4 Samtalen
Antonesen sette i gang litt småprat før opptakaren vart starta. Dette var dels for å oppdaga
gode samtaleemne, og dels for å skapa ein god samtaleatmosfære. Antonesen la vekt på
interessene til informanten og kva som engasjerte dei, og brukte det som utgangspunkt for
samtalen.
4.6 Min metode i høve til Antonesen sin
Materialet frå 1983 har vorte transkribert på nytt, slik at det kan tena mitt føremål. Antonesen
har brukt materialet sitt i ei fonologisk beskriving, eg skal bruka det for å sjå på utvalde
variablar og finna variasjon i det og ha utgangspunkt for å studera endring i det materialet eg
har samla inn. Sjølv om Antonesen ikkje har skrive ei sosiolingvistisk avhandling, er det slik
at hans materiale gir meg eit godt bilete på korleis språket i Øygarden var for 27 år sidan.
Metodane Antonesen og eg har brukt, er ulike, og det som står i avhandlinga hans, kan eg i
47