Da hadde vært litt kult visst vi hadde snakka strilsk om hondra år”

det viktig å få eit breitt utval av befolkninga, slik at dei viktigaste språkgruppene i
øygardssamfunnet kjem med. I og med at eg ikkje kan ha så mange informantar, har me sett
opp visse kriterium som informantane må oppfylla. Eit kriterium er at dei må ha vakse opp i
Øygarden sidan seksårsalderen, fordi me vil sikra oss om at informantane er ein naturleg og
typisk del av språksamfunnet. Ein person som til dømes er oppvaksen i nabokommunen Fjell,
vil ikkje vera ein prototype på øygardssamfunnet. Denne er sosialisert inn i eit anna samfunn
både sosialt og språkleg, og vil derfor ikkje kunna gi eit godt bilete på utvikling og endring i
Øygarden (sjølv om det er slik at personen bur i Øygarden no, og slik sett er ein del av det
samfunnet). Eitt anna kriterium er at dei må vera i rett alder. Som eg skriv i kapittel 4.9.2
under, bruker eg aldersgrupper for at eg skal sikra meg at eg får folk frå ulike livsfasar og
generasjonar for å visa eventuelle endringar og variasjon.
I tillegg har eg valt, så langt som råd, å trekkja ut dei panelinformantane (jf 4.3.2 og
4.9.4.2) som framleis bur i Øygarden, og altså framleis er ein del av språksamfunnet.
Av praktiske årsaker er den øvre grensa for informantane sett til åtti år. Det er slik at
stemmekvaliteten hjå eldre folk vert dårlegare, og i tillegg finst det ingen garanti for at dei er
klåre i hovudet. Det ville vore etisk gale å intervjua nokon som ikkje var ved sine fulle fem.
4.9.2 Talet på informantar
Kor mange informantar ein skal ha, er alltid eit viktig spørsmål, men det er vanlegvis slik at di
fleire sosiale variablar ein har med, di fleire informantar bør ein ha (Akselberg og Mæhlum,
2003: 76). I prosjektet som mi masteroppgåve er ein del av, var det på førehand bestemt at me
skal ha tjuefire informantar frå kvar stad. Eg har åtte informantar som var med i Antonesen si
undersøking, og seksten som er på same alder no som dei var då. Eg har tre aldersgrupper, der
yngre-gruppa er 14 - 16 år, mellom-gruppa er 35 - 50 år, og eldre-gruppa er 65 - 80 år. I og
med at Antonesen hadde 27 informantar og eg har 24, har eg valt vekk dei tre som avveik
mest frå dei aldersgruppene eg nyttar. Då blir det best samanlikningsgrunnlag, og sellene i
tabellen nedafor vert fylte opp på ein ideell måte.
Tabell 4.1 Informantar frå Øygarden.
Yngre-gruppa Mellom-gruppa Eldre-gruppa
Panelinformantar 13 0 4 4
Trendinformantar 8 4 4
Totalt 8 8 8
13 Dette er ideelt sett. Eg har berre med fire av desse i resultat- og drøftingskapitla. Sjå kapittel 5.6 for forklaring.
51