Da hadde vært litt kult visst vi hadde snakka strilsk om hondra år”

I den store talemålsbasen til Norsk Talemålskorpus – Oslodelen er informantane delte i tre
aldersgrupper med flytande alder. I staden for det ville me dela informantane inn i tre
aldersgrupper som tydeleg gjenspeglar ulike livsfasar (sjå teorikapittel) og generasjonar.
Denne inndelinga baserer seg på kva livsfase informantane er i ved opptaket, jf. termane
yngre – mellom – eldre, der informantane flyttar seg mellom grupper frå opptaksår til
opptaksår. Men i det historiske perspektivet har ein òg bruk for ei ikkje-bevegeleg inndeling,
det vil seia etter fødselsår. I denne inndelinga talar ein om årsklassar (i motsetnad til
aldersgrupper, som går etter livsfasar). Informantane mine samla sett utgjer fire årsklassar.
Det har eg delt inn slik at årsklasse I er dei som er fødde mellom 1890 og 1919, årsklasse II er
dei som er fødde mellom 1920 og 1949, årsklasse III mellom 1950 og 1979, årsklasse IV
mellom 1980 og 2009.
Figur 4.3
Årsklasseinndeling.
1983 2009
Årsklasse I Eldre-gruppa -
Årsklasse II Mellom-gruppa Eldre-gruppa
Årsklasse III Yngre-gruppa Mellom-gruppa
Årsklasse IV - Yngre-gruppa
Aldersgruppene forskyv seg altså slik at årsklassane ikkje er dei same på dei to
opptakstidspunkta sjølv om aldersgruppene er det. På denne måten kan aldersgruppene spegla
livsfaseendring, medan årsklassane kan spegla generasjonsendring.
I årsklassane fordeler ikkje informantane mine seg heilt jamt. Årsklasse I har berre seks
informantar, medan årsklasse II har ti. Det er fordi årsklassane er bestemte av prosjektet for å
passa dei nye informantane. No er det sirka 30 år mellom denne granskinga og den frå 1983,
og om ein reknar med at ein skal ha 30 år mellom kvar gransking vil eit spenn på 30 år
mellom årsklassane sikra oss at informantane er komne over i ein ny livsfase.
4.9.3 Yngre-gruppa
Dei yngste informantane er i ungdomsskulealder, frå niande og tiande klasse. I denne gruppa
plukka eg i utgangspunktet ut åtte ”nye” informantar, då desse ikkje var fødde i 1983, og då
heller ikkje deltakande i noka gransking. I materialet har eg likevel ti ungdomsinformantar.
Det oppstod nokre misforståingar då eg var på ungdomsskulen, så for å få både fire jenter og
fire gutar hadde eg fem ungdomsintervju i staden for fire. Eg hadde trekt ut nummera på dei
52