Da hadde vært litt kult visst vi hadde snakka strilsk om hondra år”

Ser ein på resultata, er han representativ for sin årsklasse. Dei fleste variablane er stabile, og
er det noka endring i det heile, er det same mønster. Dei variablane som skil seg ut er V02 og
V04.
For V02 har informant 1 fleire yngre former i 2009 enn i 1983, men det er i 1983 han avvik
mest frå årsklassen sin. Den generelle tendensen for årsklassen er at dei har fleire eldre former
i 2009. I tillegg har årsklassen langt fleire mellomformer (NN) i 1983 (26,7 % mot
panelinformanten sine 0 %).
V04 sterke substantiv viser at både informant 1 og årsklassen generelt har noko mindre
eldre former i 2009 enn i 1983. Det som skil seg mest her, er at informant 1 går frå å ha 100
% eldre former i 1983 til 84,6 % i 2009. Årsklassen generelt er meir stabil. For dei svake
substantiva har informanten i 2009 langt fleire førekomstar av mellomforma –O, slik at det er
ikkje den yngre forma –EN som gjer at talet på eldre former har minka så kraftig.
Eg meiner at informant 1 er representativ for årsklassen sin. Han har resultat som stort sett
er like dei generelle resultata for årsklassen. Avviket er to av sju variablar. Den eine har ein
tidlegare sett er litt spesiell, og det er V04 og dei sterke substantiva. For dei aller fleste
variablane har altså panelinformanten, akkurat som gruppa, svært jamne resultat.
5.6.2 Informant 2
Den andre panelinformanten er ei kvinne i årsklasse III. Ho er høgskuleutdanna, og har budd
ulike stader i landet i 16 år. Resten av livet har ho budd i Øygarden og jobba som lærar der.
Når det er tale om dialekt, seier ho at ho snakkar stril, og at ho aldri bruker ulike dialektar i
ulike situasjonar. Ho er positiv til lokalsamfunnet, men meiner at det er lite viktig om det
skjer ei språkendring, at det er heilt naturleg. Ho uttrykkjer at ho synest sentrumsdialekten,
gatespråket, i Bergen har sin sjarm, men det ”penare” talemålet i Bergen likar ho ikkje.
Tabell 5.30
Panelinformant 2, samanlagt resultat. Skåring i prosent og (belegg).
1983 2009
Eldre former 92,0 (69) 87,6 (312)
Mellomformer 0,0 (0) 1,7 (6)
Yngre former 8,0 (6) 10,7 (38)
Sum 100 100
84