Da hadde vært litt kult visst vi hadde snakka strilsk om hondra år”

7. Avslutning
7.1 Oppsummering av arbeidet
Arbeidet med denne masteroppgåva vart større enn venta. Metoden med panel- og
trendgransking har vore spanande å utforska, men òg utfordrande. Å gjera ei slik gransking
gir oss eit godt bilete på språkendring og språkleg variasjon, men samstundes tenkjer eg at det
kunne vore tenleg å gjennomføra to granskingar der ei var ei trendgransking og reint
kvantitativ, medan ei anna kunne vera panelgransking og meir kvalitativ. Deretter kunne ein
jamføra desse to. Panelgranskinga har fått liten plass i denne oppgåva. Det synest eg ikkje er
bra, men eg har måtta prioritert ut frå kva eg meinte var interessante resultat i høve til
problemstillingane og hypotesane mine.
Å læra seg eit nytt program for merking og statistikk var òg ei utfordring. Det var ikkje
berre eit nytt program for meg, men det vart nylaga til prosjektet. Det har som dei fleste andre
nyskapingar ikkje alltid fungert feilfritt, og det har ført til ein del usikkerheit rundt arbeidet
med merking og resultat. Når det begynte å fungera, viste det seg å vera eit svært nyttig og
effektivt program.
Som tidlegare nemnt er denne oppgåva ein del av eit større prosjekt,
Dialektendringsprosessar. Når eg no avsluttar dette arbeidet kan det vera med å belysa
hovudproblemstillinga for prosjektet, som er ӌ utvikle innsikt i moderne
dialektendringsprosessar og forholdet mellom samfunnsendring og språkendring” (Sandøy,
Akselberg og Kristoffersen, 2008:1). Eg har vist ein klar samanheng mellom samfunnsendring
og språkendring. Det vert spanande å sjå om resultata frå dei andre stadene viser like stort
samsvar mellom samfunnsutvikling og språkutvikling, og i kva grad haldningsgranskingane
samsvarer med språkutviklinga.
7.2 Vidare arbeid
På grunn av dei enorme mengdene med materiale som prosjektet har, ligg det godt til rette for
meir forsking i det. Som eg viser i kapittel 2.6, har eg valt ut variablar med hard hand. Det er
mange språklege variablar som kan og bør undersøkjast. Alt materialet er ferdig behandla, så
det ligg klart til bruk. Mellom anna kan eg nemna at alle dei fire variablane om segmentasjon
og differensiasjon burde vore utførleg analyserte, og det same gjeld alle dei morfologiske
variablane.
117