Da hadde vært litt kult visst vi hadde snakka strilsk om hondra år”

Samandrag
Tittel: ”Da hadde vært litt kult visst vi hadde snakka strilsk om hondra år.” Ei sosiolingvistisk
oppfølgingsgransking av talemålet i Øygarden.
Student: Silje Villanger
Rettleiar: Professor Helge Sandøy
Institutt for lingvistiske, litterære og estetiske studium
Universitetet i Bergen
30.august 2010.
Denne sosiolingvistiske oppfølgingsgranskinga er ein del av prosjektet
Dialektendringsprosessar og tar føre seg variasjon og endring i talemålet i Øygarden.
Granskinga byggjer på eit datamateriale som var innsamla av Vidar Antonesen i 1983 og av
meg sjølv hausten 2009. Materialet til Antonesen har vorte behandla på nytt, og eg har
undersøkt sju språklege variablar ved å samanlikna materialet frå dei to opptaksåra. Eg har
brukt 24 informantar, der fire av desse er panelinformantar som òg var med i Antonesen sine
opptak frå 1983. Metodisk er ikkje granskingane frå -83 og -09 like, og det er derfor eg har
handsama Antonesen sitt materiale på nytt.
Undersøkinga er både synkron og diakron, då ho tar føre seg både variasjon i dag og
endringar som har skjedd i løpet av dei 26 åra. Eg beskriv kva som har skjedd med talemålet
og testar det opp mot fem hypotesar. Det har eg gjort ved å systematisera alt materialet og
samanlikna det. Deretter har eg forsøkt å forklara korfor språket har utvikla seg slik det har,
og korfor den variasjonen som er eksisterer. Vidare forsøkjer eg å diskutera retninga i
språkutviklinga, altså kva retning språket har tatt og kva som ser ut til å skje med talemålet i
Øygarden i framtida. Det gjer eg hovudsakleg ved å sjå på samfunnsmessige endringar som
har skjedd i åra mellom opptaka. Eg supplerer med litt informantkommentarar.
Dei viktigaste funna eg har gjort er at dei yngste i 2009 (ungdomsskuleelevar) har langt
fleire førekomstar av yngre former enn dei vaksne og eldre. Dei to vaksen-gruppene har svært
høge prosenttal for tradisjonelle former både i 1983 og i 2009. Ein ser tendensar til eit nytt
mønster mellom dei yngste språkbrukarane. Nokre av endringane kan delvis forklarast som
språklege forenklingar, men der har òg skjedd store samfunnsmessige omkalfatringar i
Øygarden på dei 26 åra som er mellom granskingane. Mellom anna har det kome mange nye
119