Da hadde vært litt kult visst vi hadde snakka strilsk om hondra år”

som passa etter den første si meining. Dette er ikkje ein ”perfekt” informant, i og med at ho
mest truleg var utvald på bakgrunn av språket. Derfor bestemte eg at denne informanten ikkje
skulle brukast, ringte vidare og fekk tak i ein informant etter den ideelle framgangsmåten.
Det andre avviket skjedde i årsklasse III. Der var det to brør som var panelinformantar, og
som skulle ta med kvar sin trendinformant. Begge desse syntest det var problematisk å finna
nokon som kunne vera med, og derfor bestemte eg meg for å intervjua dei saman. Det verka
òg som dei syntest det var meir behageleg, og det er viktig for å få til ein naturleg samtale.
Likevel gjekk ikkje dette etter planen, for det skulle visa seg at sjukdom hindra intervjuet i å
finna stad. Eg hadde framleis ein panelinformant att, og han sa ja til å vera med. Dette
medførte at eg i eldre-gruppa berre har ein mannleg panelinformant.
Igjen brukte eg telefonkatalogen for å finna to trendinformantar i same aldersgruppa. Eg
trekte igjen ut namn ved hjelp av det tilfeldige talet femten. Då eg kom til tjue namn, starta eg
å fjerna dei som ikkje hadde rett alder. Det var vanskelegare med desse. Eg måtte halda fram
ganske lenge før eg hadde ein del namn att i rett alder, men eg fekk ei lita liste, og fekk tak i
informantane eg trong. Dette gjekk òg føre seg på den måten at eg tok kontakt med ein
informant som tok med ein kjenning.
4.10 Innsamling av data
Den vanlegaste metoden for innsamling av data er intervju eller samtale med lydopptak, slik
at ein i etterkant kan lytta og transkribera. Det er òg slik eg har gjort det. Etter kvart intervju
skreiv eg logg for å hugsa formalitetar, samtalen og situasjonen betre, og for å få skriva ned
om det skjedde noko spesielt (sjå vedlegg 8). Etter kvart intervju fylte alle informantane ut eit
skjema med nokre enkle og anonyme personopplysningar. Det er fordi det kan vera nyttig i
samband med analysen å vita noko om arbeid, utdanning, bustad, fødselsår osb. Dette
skjemaet er vedlegg 7.
4.11 Samtalen
Sjølve samtalane gjekk føre seg på skulen for yngre-gruppa (årsklasse IV), heime eller på
arbeidsplassen for mellom- og eldre-gruppa (årsklassane I, III og III). Dei to eldste
aldersgruppene fekk sjølve velja kor dei ville ha samtalen, for å i størst muleg grad etterleva
prinsippet om at det skal vera ein naturleg situasjon. Kvar samtale varte i éin time, det vil seia
at kvar informant ideelt sett har fått ein halv times taletid.
56