Skólaskýrsla 2004 - Verzlunarskóli Íslands

var það í skáldsöguformi. Höfundur er þó sjálfur ein af aðalpersónum ritsins, heldur langa
ræðu í brúðkaupinu og hvetur meðal annars til stofnunar verzlunarskóla. Ekki lét höfundur
sitja við orðin tóm heldur gekkst hann fyrir stofnun „Menntunarfélags verzlunarmanna í
Reykjavík” og var stofnfundur þess haldinn á Hótel Reykjavík 11. mars 1890. Verzlunarskólinn
í Reykjavík var svo settur hinn 4. október 1890. Skólagjald var fjórar krónur á
mánuði. Verzlunarskólinn í Reykjavík mun hafa lagst af 1897. Sá skóli er merkur undanfari
Verzlunarskóla Íslands og því prýðir brjóstmynd Þorláks Ó. Johnson vegg þessa Marmara,
þar sem við erum nú. Nú þegar við rifjum upp orsakir þess og atburði sem leiddu til stofnunar
Verzlunarskóla Íslands, getur verið forvitnilegt að spyrja: Hvað ef? Já, hvað ef hugmyndir
Jóns Sigurðssonar, forseta hefðu orðið ofan á árið 1842? Þá hefðu nemendur Lærðaskólans
sennilega getað lokið verzlunarprófi, og e.t.v. hefði nafni þess skóla þá ekki verið breytt í
Menntaskólinn í Reykjavík, heldur eitthvað annað. Hvað ef starfsþrek Þorláks Ó. Johnsons
hefði enst lengur en raun varð á? Þá værum við að nálgast 115 ára afmæli skólans en ekki 100
ára og skólinn héti Verzlunarskólinn í Reykjavík en ekki Verzlunarskóli Íslands.
Aldamótum fylgja aldaskil.
Það er rétt að svo verði einnig nú þegar Verzlunarskóli Íslands lýkur sinni fyrstu öld. Skólinn
hefur tekið miklum breytingum frá því hann var stofnaður og við þessi tímamót er viðeigandi
að gera nokkra grein fyrir starfsemi skólans og búnaði.
Þá er þess einnig að geta að þetta er síðasta skólasetning núverandi skólastjóra. Ég læt af
störfum að loknum skólaslitum þessa vetrar. Þá lýkur 99. starfsári skólans og þá tekur eitthundraðasta
starfsárið við með nýrri öld, nýjum siðum og nýjum herrum.
Aðeins eitt vandamál er við að eiga í þessu sambandi. Ræðan verður alltof löng. Kennarar eru
ýmsu vanir frá skólastjóra sínum og myndu örugglega sitja rólegir undir slíkri ræðu, en
skólastjóri hefur aldrei kvalið nemendur með löngum ræðum og vill ekki byrja á því nú. Til
þess að leysa þetta vandamál verður aðeins hluti ræðunnar fluttur hér en þeir sem vilja fá
hana alla geta sótt ræðuna á netið og lesið hana þar.
Námsframboð
Undanfarin ár hefur Verzlunarskóli Íslands haft fjölbreytt námsframboð með þeim sérkennum
að allir nemendur hafa stundað sama nám á fyrsta námsári og lokið verslunarprófi á öðru ári.
Að loknu fjórða námsári hafa nemendur lokið stúdentsprófi frá máladeild, stærðfræðideild,
tölvu­ og upplýsingadeild og viðskiptadeild.
Hér að neðan sést hvernig gamla námsskipanin lítur út. Nemendur í 4.­6. bekk munu ljúka
námi skv. henni.
Verzlunarskóli Íslands
3. bekkur
Sameiginleg námsbraut
4. bekkur
Viðskiptad. Stærðfræðid. Tölvu­ og uppl
Verslunarpróf
5. bekkur
Máladeild
Alþjóðad. Hagfræðid. Viðskiptad.
Stærðfræðid.
Tölvu­ og uppl
6. bekkur
Máladeild
Alþjóðad. Hagfræðid. Viðskiptad.
Stærðfræðid.
Tölvu­ og uppl
Stúdentspróf
Námsskipulagið hefur ekki fallið vel að því áfangakerfi sem menntamálaráðuneytið byggir á.
Skólinn er og hefur alltaf verið, og mun verða áfram, bekkjaskóli. Próf eru haldin í desember
(miðsvetrarpróf) og á vorin (vorpróf) auk skyndiprófa í einstökum námsgreinum. Á vorprófi
er prófað úr námsefni alls vetrar, yfirlitspróf, nema annað sé sérstaklega tekið fram. Stúdents­
13