Skólaskýrsla 2004 - Verzlunarskóli Íslands

Námsefni og kennsla
Alþjóðafræði
Markmið: Að auka þekkingu nemenda á tilteknum atriðum í eigin þjóðfélagi, þeim löndum í
Evrópu og annarra álfa sem við höfum veruleg samskipti við, svo og stöðu Íslands í
alþjóðaumhverfinu.
V. bekkur, alþjóðadeild:
Námslýsing: Byrjað var að skoða hvað nemendurnir legðu í hugtakið hnattvæðingu og bera
svo saman við hugmyndir annarra um það efni. Síðan var rakin þróun utanríkisstefnu Íslands
frá 1874. Fjallað var um evrópskar stofnanir og samtök: Evrópusambandið og helstu stofnanir
þess, Fríverslunarsamtök Evrópu (EFTA). Evrópska efnahagssvæðið (EES) og Schengensamstarfið.
Unnið var með hugtakið „menning í viðskiptaumhverfi“ Evrópusambandslanda
og annarra álfa. Þverfaglegt verkefni var unnið þar sem saman fléttuðust alþjóðafræði, enska
og markaðsfræði.
Kennslugögn: Ýmis ljósrit, vefsíður, Evrópusamruninn og Ísland eftir Eirík Bergmann,
Mind your Manners eftir John Mole og Cross Cultural Business Behaviour eftir Richard R.
Gesteland.
VI. bekkur, alþjóðadeild:
Námslýsing: Í upphafi haustannar var fjallað um breytta heimsmynd og áhrif hryðjuverkaárásanna
á New York og Madrid. Fjallað var um menningarumhverfi viðskipta í ESB/EES
löndum og löndum annarra álfa sem Ísland á í viðskiptum við. Lokaverkefni sem einnig var
hluti af munnlegu prófi var umfjöllun um eitthvert einstakt land annarrar álfu sem Ísland á í
viðskiptum við. Vorönninni lauk með málþingi um hjálparstarf sem nemendurnir stóðu fyrir.
Kennslugögn: Mind your Manners eftir John Mole. Cross Cultural Business Behaviour eftir
Richard R. Gesteland. Ljósritað ítarefni, Netið.
Bókfærsla
Námsefni í bókfærslu er skipt í fimm stig sem hér segir:
1. stig: Frumatriði í dagbók, opnanir, færslur og lokanir, fábrotnir og hreinir reikningar (um
15 reikningar).
2. stig: Dagbók og reikningsjöfnuður, blandaðir reikningar (um 20 reikningar).
3. stig: Flóknar færslur og blandaðir reikningar, tölvubókhald.
4. stig: Fræðileg bókfærsla í framhaldi af 3. stigi. Kynntir um 40 nýir reikningar og
millifærslur í reikningslokun. Enn fremur farið yfir skattaframtalsgerð einstaklinga.
5. stig: Fræðileg bókfærsla í framhaldi af 4. stigi, breytingar á réttarformi, fjárhagsleg
endurskipulagning. Samruni og slit fyrirtækja. Uppgjör samkvæmt sjóðs­ og
bankahreyfingum. Skattauppgjör.
Efnisskipan:
III. bekkur: 1. og 2. stig
IV. bekkur: 3. og 4. stig
VI. bekkur: 5. stig.
24