Skólaskýrsla 2004 - Verzlunarskóli Íslands

· geti nýtt sér möguleika SPSS–tölfræðiforritsins til úrvinnslu kannana.
Kennslugögn: Leshefti í upplýsingafræði, tekið saman af kennurum áfangans, Sólveigu
Friðriksdóttur, Hirti Hjartarsyni og Snorra Halldórssyni. Lesnir valdir kaflar úr bók Þórðar
Víkings Friðgeirssonar frá 2001: Bókin um Netið. Saga, þróun, rafræn viðskipti. Viðbótarlesefni
og verkefni eru sett í skjalahólf nemenda á innra vef skólans.
Vélbúnaður, stýrikerfi og net/hönnun hugbúnaðar
V. bekkur, tölvu­ og upplýsingatæknideild:
Námslýsing: Farið verður í mismunandi uppbyggingu stýrikerfa og vélbúnaðar.
Í þessum áfanga eru innviðir tölvu og tölvutengingar ýmiss konar kennd. Vélbúnaðarkennslan
er að hluta til verkleg, þ.e. tölva er greind í sína einstöku einingar og þær skoðaðar.
Farið er í uppbyggingu hinna ýmsu stýrikerfa og má þar nefna Windows, Unix, Linux og
Dos. Kennt verður lauslega á þessi stýrikerfi og nemendum gerð grein fyrir muninum sem á
þeim er. Lögð er áhersla á að nemendur þekki helstu netkerfi og tengingar. Sérstaklega er
farið í að lýsa aðgangsstýringu inn á net og inni á neti, ásamt því að gagnaflutningur um net
er útskýrður.
Kerfisgreining er það ferli að greina þarfir sem gerðar eru til kerfis (forrits). Kennt verður að
nota kerfisgreiningu við uppbyggingu á kerfi, skjölun og utanumhald um stærri
forritunarverkefni. Einnig verður farið í gegnum þær ýmsu leiðir sem notaðar eru við
hugbúnaðarþróun, s.s. frumsmíðagerð(e. prototyping). Einnig verður í þessum áfanga farið í
viðmótshönnun, staðla sem notaðir eru við viðmótshönnun og hvað ber að varast. Rætt er um
gæði notendaviðmóts, ásamt því að skoðaðar eru ýmsar aðferðir við að meta
notkunareiginleika hugbúnaðar. Prófanaferli er kynnt.
Kennslugögn: Námsefni eftir kennara.
Þýska
III. bekkur:
ÞÝS102 (haustönn):
Námslýsing: Farið yfir 5. kafla lesbókar og vinnubókar, auk þess teknar fyrir tvær smásögur
á fjölritum (Tom macht eine Reise, Auf dem Flughafen) eftir 4. kafla lesbókar. Verkefnahefti
með aukaæfingum í orðaforða og málfræði var unnið samhliða kennslubók. Hlustunaræfingar
úr Keine Panik voru lagðar fyrir (2­3) á haustönninni. Söngtextar og annað ítarefni lagt fyrir
eins og þurfa þótti.
Kennslugögn: Þýska fyrir þig 1, lesbók, vinnubók og málfræðibók. Smásögur (fjölrit).
Verkefnahefti fyrir ÞÝS102 og ÞÝS202. Orðabók: Þýsk­íslensk eftir Steinar Matthíasson.
ÞÝS202 (vorönn):
Námslýsing: Teknir voru fyrir kaflar 6, 7 og 8 í lesbók og vinnubók. Lesnar voru þrjár
smásögur (Stadtmaus Feldmaus, Frische Fische og Toto) og verkefni unnin við þær.
Verkefnaheftið var unnið samhliða grunnbókinni og haldið áfram með hlustunarefnið Keine
Panik. Söngtextar og annað ítarefni lagt fyrir eins og þurfa þótti.
Kennslugögn: Þýska fyrir þig 1, lesbók, vinnubók og málfræðibók. Smásögur (fjölrit).
Verkefnahefti fyrir ÞÝS102 og ÞÝS202. Orðabók: Þýsk­íslensk eftir Steinar Matthíasson.
III. bekkur, þriggja ára nám:
ÞÝS 103 (haustönn):
Námslýsing: Farið var í fyrstu 7 kafla lesbókar og sömu kaflar í vinnubók unnir samhliða.
Verkefnahefti með aukaæfingum var unnið bæði í kennslustundum og sjálfstætt heima og
birtust lausnir kaflanna í netkerfi nemenda eftir á. Smásögurnar Stadtmaus Feldmaus og Toto
voru lesnar og unnin orðabókarverkefni við þær. Hlustunaræfingar úr Keine Panik voru
lagðar fyrir (3 æfingar) í lok annar.
48