Skólaskýrsla 2004 - Verzlunarskóli Íslands

50 kennslustofur
4 tölvustofur
2 vinnustofur
2 raungreinastofur
3 fyrirlestrarsalir (60 ­ 260 sæta)
2 leikfimisalir
1 500 fermetra bókasafn með lesbásum og vinnuaðstöðu
20 vinnuherbergi kennara
2 mötuneyti, skrifstofa, kennarastofa, sauna og aðstaða fyrir félagslíf nemenda
Bókasafn.
Bókasafn Verzlunarskóla Íslands er upplýsingamiðstöð fyrir nemendur og þá sem starfa við
skólann. Það var tekið í notkun í nýju 200 m² húsnæði VÍ haustið 1986 á 3. og 4. hæð
skólans. Bókasafnið var stækkað um 385 m² síðastliðinn vetur. Afgreiðsla safnsins, bókakostur,
tímarit, tölvur og les­og vinnuaðstaða ásamt geymslu er á 4. hæð, en sérútbúin lesstofa
og Verið, sem er sérútbúin vinnustofa nemenda, á þeirri þriðju. Þetta er afar glæsilegt húsnæði
og ánægjulegt að geta boðið nemendum svo frábæra aðstöðu.
Bókasafnið býður upp á mjög góða aðstöðu til náms og aðstoð við notkun safnsins, bæði í
upplýsingaþjónustu og heimildaleitun. Á safninu er, m.a. að finna bækur, dagblöð, tímarit,
geisladiska, tölvuforrit, gagnagrunna, rafræn tímarit, hljóðbækur, snældur, myndbönd, DVD
og yfirgripsmikið úrklippusafn. Öllum notendum safnsins býðst frjáls aðgangur að mörgum
rafrænum gagnasöfnum og nettengingum.
Bókaval er í höndum bókasafnsfræðinga, stjórnenda skólans, kennara og starfsfólks. Tillögur
nemenda eru alltaf vel þegnar. Nýtt efni er haft til sýnis í ákveðinn tíma, bókalistar eru birtir á
heimasíðu safnsins, kennarastofu og á auglýsingatöflu fyrir framan safn. Nýjustu eintök
tímarita eru í skáhillum á safninu en eldri árgangar eru í geymslu. Alfræðirit, orðabækur og
aðrar handbækur eru við inngang í afgreiðslu.
Vefsíða bókasafnsins er margþætt, en sérstök áhersla er lögð á að veita greiðan aðgang að
rafrænu efni. Þar eru tengingar í gagnabanka, rafræn tímarit og bækur, leitarvefi og margs
konar fróðleik notendum til hægðarauka. Rafræn skrá yfir efni safnsins er öllum aðgengileg á
heimasíðu bókasafnsins. Þar er hægt að leita að öllu tölvuskráðu efni á safninu óháð stund og
stað. Allt efni á bókasafni VÍ er tölvuskráð jafnóðum og það berst safninu. Í tölvuskránni eru
rúmlega 15.000 bókfræðilegar færslur. Útlánin eru tölvuvædd og því þarf lánþegi að láta
starfsfólk skrá lánsefni á sitt nafn. Lánþegar eru ábyrgir fyrir því sem þeir fá að láni. Ekki er
unnt að fá bækur án þess að vera skráður í tölvukerfi bókasafnsins, og er útlánstími ein vika
nema um annað sé samið.
Yfirlit yfir tæknibúnað:
Tölvur Prentarar Skannar
Skrifstofur starfsfólks og kennara og sameiginleg
vinnuherbergi 65 18 3
Tæki sem nemendur hafa aðgang að í 4
tölvustofum, 2 vinnustofum og bókasafni 162 10 1
Tæki í kennslustofum og sölum 61
ALLS: 288 28 4
Tækjakostur skólans hefur aukist jafnt og þétt á liðnum árum. Nú eru í skólanum 288 tölvur,
28 prentarar og 4 skannar. Þá eru ótaldar ca. 200 fartölvur nemenda og ótalinn fjöldi fartölva í
eigu kennara. Hlutfall nemenda með fartölvur hefur verið 15 – 20% undanfarin ár og má
17