Skólaskýrsla 2004 - Verzlunarskóli Íslands

IV. (20%) Ritgerð
Gerið stuttlega grein fyrir þeim þáttum sem helst greina að kirkjudeildir
mótmælenda, rómversk­kaþólskra og rétttrúnaðarkirkjur (orþodoxar). Nefnið að
minnsta kosti þrjú trúaratriði sem ætla má að allir kristnir menn geti verið sammála
um.
Veljið annað tveggja viðfangsefna:
a) Gyðingar – trú og saga. Fjallið um gyðingdóm í sögulegu ljósi. Gerið þannig
grein fyrir mikilvægustu trúarkenningum og siðum, sem og stofnun ríkis gyðinga
á tuttugustu öld og vandamálum sem því hafa fylgt.
eða
b) Íslam. Segið frá tilurð og útbreiðslu múslimasiðar og grundvallarþáttum í trúnni.
Fjallið jafnframt um helstu innbyrðis deiluefni múslima að fornu og nýju.
V. (2 x 20% =40%). Tvær ritgerðir. Veljið tvö af fjórum viðfangsefnum:
a) Hrun kommúnismans í Austur­Evrópu. Veljið að minnsta kosti þrjú ríki
Austur­Evrópu þar sem kommúnistar hröktust frá völdum árið 1989 og lýsið því
með hvaða hætti hin pólitísku umskipti urðu. Fjallið jafnframt almennt um
þjóðfélagsaðstæður, atkvæðamikla einstaklinga og afdrifaríka atburði sem miklu
réðu um þróun mála í þeim löndum þar sem stjórnkerfi kommúnista var brotið á
bak aftur.
b) Hvað er þekking?; Hvað er hægt að þekkja (eða vita) og hvernig? Rökhyggja
og raunhyggja eru tvær ólíkar leiðir til að skilgreina og meta þekkingu. Úr hópi
heimspekinga sem jafnan eru taldir rökhyggjumenn má nefna René Descartes, en
þeir John Locke og David Hume eru frægir raunhyggjumenn. Fjallið um muninn
á þessum tveimur stefnum innan þekkingarfræðinnar. Takið dæmi til skýringar úr
kenningum ofangreindra manna eða annarra spekinga sem fjallað hafa um efnið.
c) Trúarbrögð – almenn einkenni og eiginleikar. Fjallið almennt um
uppbyggingu skipulagðra trúarbragða og hlutverk þeirra í lífi einstaklinga og í
samfélagi manna. Byggið umfjöllunina á kenningum Ninians Smarts um
víddirnar sjö (Seven dimensions) og takið dæmi til skýringar úr gyðingdómi,
kristni, íslam eða öðrum trúarbrögðum.
d) Bandaríkin – sérkenni menningarsvæða og sameiningartákn.
Saga Bandaríkjanna, atvinnuhættir, siðir og venjur hafa mótast af
menningarlegum margbreytileika og ólíkum uppruna íbúanna. Segið frá
viðtekinni skiptingu Bandaríkjanna í aðgreind menningarsvæði og fjallið um
helstu einkenni svæðanna. Lítið jafnframt til þeirra þátta sem ætla má að sameini
Bandaríkjamenn og nefnið tákn, hugmyndir eða annað sem miklu varðar í því
samhengi.
188