Skólaskýrsla 2004 - Verzlunarskóli Íslands

um skipulagsskrá í upphafi. Í skólanefnd sátu jafnan menn sem voru framámenn í verslun og
atvinnuuppbyggingu landsins. Fyrri heimstyrjöldin og efnahagskreppa, sem henni fylgdi, lék
skólann illa. Árið 1922 var skólinn í raun gjaldþrota. Síðan þá hefur skólinn starfað undir vernd
Verslunarráðsins.
Verzlunarskólinn var í upphafi tveggja ára skóli sem lauk með verslunarprófi. Árið 1926 var
þriðja námsárinu bætt við og 11 árum síðar því fjórða. Verslunarprófið hefur því verið tekið í
lok náms í fjórða bekk frá árinu 1938. Allan tímann mun skólinn hafa rekið undirbúningsdeild
fyrir þá sem skorti nauðsynlega menntun til að setjast í 1. bekk. Lengi vel voru einnig haldin
inntökupróf í skólann og urðu margir frá að hverfa með sárt enni.
Þegar Vilhjálmur Þ. Gíslason varð skólastjóri, gekkst hann fyrir að afla skólanum heimildar til
þess að brautskrá stúdenta. Sú heimild fékkst árið 1942 og fyrstu stúdentarnir útskrifuðust árið
1945. Þeir fagna því 60 ára stúdentsafmæli í dag. Tveir þeirra sitja nú hér á fremsta bekk og
óska ég þeim innilega til hamingju með afmælið á þessu mikla afmælisári. Eftir að Verzlunarskólinn
hóf að útskrifa stúdenta varð námstími við skólann sex ár. Nemendur settust á skólabekk
13–14 ára, komu á fermingaraldri og kvöddu skólann tvítugir og fullorðnir. Frekari
skipulagsbreyting var ekki gerð á skólanum fyrr en farið var að útskrifa stúdenta úr tveimur
deildum, þ.e. máladeild og hagfræðideild árið1971. Þó má geta þess að fyrstu tveir bekkirnir
gengu inn í grunnskólann þannig, að skólinn varð aftur fjögurra vetra skóli, en nafngiftir 3.–6.
bekkja hafa haldið sér.
Fyrstu breytingar í minni skólastjóratíð voru þær að leggja meiri áherslu á stúdentsprófið.
Vörufræðin vék fyrir tölvufræðinni sem varð einn af burðarásum skólans. Aukin áhersla var
lögð á raungreinar og árið 1983 voru stofnaðar stærðfræði­ og verslunarmenntadeildir. Stærðfræðideildinni
var ætlað að búa nemendur undir nám í verkfræði­ og raunvísindadeildum
háskóla og verslunarmenntadeildinni að búa nemendur undir að stofna og reka eigin fyrirtæki.
Ekki er hægt að segja annað en vel hafi til tekist við stofnun þessara deilda, því nemendum sem
fóru í verkfræði fjölgaði verulega og ýmsir þeirra sem í verslunarmenntadeildina fóru, eru í dag
meðal auðugustu og framsæknustu manna þjóðarinnar.
Árið 1987 var stofnuð öldungadeild, árið 1999 var alþjóðadeild stofnuð og tölvu­ og upplýsingadeild
fór í gang árið 2002. Fyrstu stúdentar þeirrar deildar verða því brautskráðir nú og er
ástæða til að óska þessum brautryðjendum sérstaklega til hamingju.
Á síðasta áratug síðustu aldar varð veruleg skipulagsbreyting á námskrá framhaldsskóla, sem
Verzlunarskólanum var gert skylt að fara eftir. Sú lagasetning öll hefur gert skólanum erfiðara
með að gegna hlutverki sínu. Skólinn brást við með því að endurskipuleggja nám sitt, taka upp
þriggja ára stúdentsbraut og innleiða annakerfi. Nú í vetur var ráðist í að stofna til verslunarfagnáms
í samvinnu við Fræðslustofnun atvinnulífsins, Verslunarmannafélag Reykjavíkur og
Samtök verslunar og þjónustu.
Skólinn hefur á síðustu árum varið talsverðum fjármunum í að byggja upp fjarnám, í þríþættum
tilgangi. Í fyrsta lagi til þess að leggja nemendum sínum til öflugt hjálpartæki við námið. Í öðru
lagi til þess að geta með nýjum hætti aukið starfsemi sína á sviði starfsmenntunar í samvinnu
við viðskiptalífið í landinu og í þriðja lagi til þess gera sig gildandi á almennum fjarnámsmarkaði.
Fyrsti hluti þessarar áætlunar er kominn í gang og hefur heppnast afbragðs vel. Margir
nemendur þriðja bekkjar notuðu námsefni fjarnámsins mjög mikið og með góðum árangri við
undirbúning undir vorpróf sín.
Verzlunarskólinn teygði sig upp á háskólastigið árið 1988 með stofnun Tölvuháskóla Verzlunarskóla
Íslands, sem tók inn stúdenta og útskrifaði þá sem kerfisfræðinga, fyrst eftir þriggja
anna nám, sem fljótlega var lengt í fjórar annir. Það var Sverrir Hermannsson, menntamálaráðherra,
sem tók af skarið í því máli og veitti Verzlunarskólanum leyfi til þessa nýja náms á
háskólastigi.
12. desember árið 1997 var undirritaður samningur um rekstur háskóla milli menntamálaráðuneytis
og Verzlunarskóla Íslands. Bæði Björn Bjarnason, menntamálaráðherra og Friðrik
266