Skólaskýrsla 2004 - Verzlunarskóli Íslands

Námslýsing: Kennsla fer fram með fyrirlestrum kennara, umræðum og ýmiss konar
verkefnavinnu, m.a. þar sem nemendur vinna saman. Á haustmisseri verða eftirtaldir
efnisþættir til umfjöllunar: Trúarbrögð: Hugtök og birtingarmyndir. Fjallað verður um
nokkur algeng hugtök sem tengjast trúarbragðafræðum, ekki síst í sögulegu ljósi. Einkum
verður sjónum beint að eingyðingstrúarbrögðunum: Kristni, gyðingdómi og íslam.
Miðausturlönd: Lönd og þjóðir. Valin viðfangsefni tekin til umfjöllunar. Tengsl trúarbragða
og stjórnmála í menningu þjóða sérstaklega tekin fyrir. Á vormisseri verða eftirtaldir
efnisþættir til umfjöllunar: Verkefni nemenda, viðfangsefni að eigin vali. Indland og
Hindúismi: Viðfangsefni og lesefni að hluta valin í samráði við nemendur. Bandaríkin:
Menning og þjóðfélagsskipan í Norður­Ameríku.
Kennslugögn: Notast er við fjölbreytt miðlunarform: kennslubækur, greinar úr tímaritum og
dagblöðum, myndbönd og fleira. The World´s Religions eftir Ninian Smart, útg. Cambridge
University Press 1989. Inngangur. Trúarbrögð heimsins. Ritstjóri Michael D. Coogar, Mál og
menning, Reykjavík 1999. Kaflar um gyðingdóm, kristni, íslam og hindúisma. Miðausturlönd
eftir Jan Erik Wiik. Útgefandi Mál og menning, Reykjavík 1993. American Civilization. An
Introduction eftir David Mauk og John Oakland. Routledge 2002 (3.útg). Valdir kaflar.
Náttúrufræði 103
III. bekkur, náttúrufræðibraut og
VI. bekkur, alþjóða­, mála­, hagfræði­ og viðskiptadeild:
Markmið: Markmið áfangans er að veita nemendum þekkingu á lífverum jarðar. Áhersla er
lögð á flokkun lífvera, umhverfisfræði, erfðir, erfðaefnið, lífeðlisfræði mannslíkamans, æxlun
og efnasamsetningu lífvera
Námslýsing: Almenn einkenni, nafngiftir, flokkun og fjölbreytni lífvera (veirur, bakteríur,
frumverur, skordýr, hryggdýr og fræplöntur). Fruman, lífræn efni, vefir, líffæri, líffærakerfi,
næringarforði lífvera og orkuvinnsla. Mannslíkaminn: melting, öndun, blóðrásarkerfi, húðin,
lifur, nýru, taugakerfið, sjón, heyrn og beinagrindin. Æxlun: kyn­ og kynlaus æxlun,
frumuskipting, æxlunarkerfi manna, kynfrumur. Erfðir: litningar, gen, meginlögmál
erfðafræðinnar, erfðir manna. Kjarnsýrur og prótín, eftirmyndun DKS, prótínmyndun,
erfðatækni og siðferðisleg vandamál. Lífverur og umhverfi þeirra: (fæðutengsl, stofnar, áhrif
manna á umhverfi sitt og ástand umhverfismála á Íslandi).
Kennslugögn: Líffræði eftir Örnólf Thorlacius. Verklegar æfingar á skólaneti. Önnur gögn á
skólaneti.
Náttúrufræði 113
III. bekkur:
Námslýsing: Fyrir áramót er fjallað um kortagerð, stjörnufræði, jarðsögu, innræn öfl og innri
gerð jarðar. Eftir áramót er fjallað um landrekskenninguna, útræn öfl, jarðefni, vatnsorku og
jarðvarma á Íslandi.
Kennslugögn: Jarðargæði eftir Jóhann Ísak Pétursson og Jón Gauta Jónsson. Auk
kennslubókar er stuðst við ítarefni sem kennari útvegar nemendum. Nauðsynlegt er að
nemendur hafi aðgang að kortabók og tölvu. Bókasafn Verzlunarskóla Íslands er opið
nemendum þar sem góður aðgangur er að myndböndum og öðru efni sem tengist faginu.
Nemendum er bent á að skoða þetta námsefni.
39