Skólaskýrsla 2004 - Verzlunarskóli Íslands

próf eru í mörgum tilvikum yfirlitspróf þar sem prófað er úr námsefni síðustu tveggja ára.
Nemendur fá árseinkunn sem er byggð á skyndiprófum, verkefnum, ástundun, mætingu og
miðsvetrarprófi. Nemendur fá árseinkunnir afhentar í lok skólaárs áður en vorpróf hefjast. Að
loknum vorprófum fá nemendur skírteini þar sem fram koma einkunnir í einstökum greinum
og einnig árseinkunnir. Meðalárseinkunn er vegið meðaltal allra árseinkunna og meðalprófseinkunn
er vegið meðaltal allra prófseinkunna. Aðaleinkunn er síðan reiknuð sem meðaltal
meðalárseinkunnar og meðalprófseinkunnar.
Síðastliðinn vetur var ráðist í viðamiklar breytingar á náms­ og prófafyrirkomulagi skólans.
Teknar voru upp þær bóknámsbrautir sem skilgreindar eru í aðalnámskrá framhaldsskóla,
jafnframt því sem einstakir námsáfangar voru skilgreindir til samræmis við aðalnámskrá.
Nemendur sem voru innritaðir í Verzlunarskólann vorið 2004 stóð til boða eftirfarandi
námsbrautir við VÍ:
félagsfræðabraut
alþjóðasvið
náttúrufræðibraut
eðlisfræðisvið
líffræðisvið
tölvusvið
málabraut
málasvið
viðskiptabraut
hagfræðisvið
viðskiptasvið
Nemendur voru innritaðir á ákveðna braut. Námið á fyrsta ári er þó skipulagt þannig að allir
læra það sama óháð brautarvali. Eftir lok fyrsta árs velja nemendur síðan ákveðið svið. Samhliða
þessum breytingum var tekið upp annakerfi með þeim hætti að bekkjakerfið helst. Próf
eru haldin í lok annar, þ.e. í desember og á vorin auk skyndiprófa í einstökum greinum.
Prófin sem tekin eru í lok annar eru lokapróf í viðkomandi námsáföngum. Yfirlitspróf, eins
og verið hafa í VÍ fram til þessa, eru þar með úr sögunni. Sú nýjung var innleidd frá og með
skólaárinu 2004 – 2005 að nemendum var boðið upp á að taka stúdentspróf á þremur árum.
Nemendur gátu valið á milli viðskiptabrautar­hagfræðisviðs og náttúrufræðibrautar­líffræðisviðs.
Fyrirkomulag kennslunnar er með þeim hætti að hverri önn er skipt í tvær lotur og taka
nemendur 3 – 4 námsgreinar í hverri lotu. Hver lota er ca. 35 kennsludagar og taka nemendur
lokapróf í viðkomandi áföngum í lok hverrar lotu. Nemendur munu þannig ljúka að meðaltali
23 einingum á önn. Fyrirhugað er í samvinnu við Samtök verslunar og þjónustu (SVÞ),
Verzlunarmannafélag Reykjavíkur (VR) og Fræðslumiðstöð atvinnulífsins (FA) að fara af
stað með verslunarfagnám fyrir fólk sem starfar í verslun. Umfang námsins jafngildir, í
einingum talið, eins árs námi í framhaldsskóla. Helmingur námsins er bóklegur og fer fram í
Verzlunarskólanum en hinn hlutinn er verklegur/starfsþjálfun sem fer fram á vinnustað.
Kennslan hefst með því að 26 nemendur verða teknir inn og byrjar kennslan í janúar 2005.
Fyrirkomulag prófa.
Samkvæmt ákvörðun menntamálaráðuneytisins hafa framhaldsskólar til umráða 30 daga á ári
til prófahalds. Samkvæmt „gamla” fyrirkomulaginu í Verzlunarskólanum þar sem yfirlitspróf
eru haldin á vorin þarf fleiri prófdaga á vorin en um jólin (12 í desember og 18 í maí). Hins
vegar samkvæmt nýju fyrirkomulagi þar sem nemendur taka lokapróf í viðkomandi áfanga
um jól og á vorin, þá dreifast prófdagar jafnt á milli haustannar og vorannar. Nemendur 4. 5.
og 6. bekkja munu ljúka námi skv. gamla kerfinu en nemendur 3. bekkjar hefja nám nú skv.
nýja kerfinu. Þetta mun valda óþægindum að því leyti að bæði í desember og í maí er verið að
kenna í sumum bekkjum á sama tíma og verið er að prófa í öðrum. Til að flækja þetta enn
frekar eru haldin lokapróf í einstökum námsáföngum um miðja önn hjá þeim nemendum sem
eru í 3ja ára námi. Það er því greinilegt að skipulag kennslu og prófa verður nokkuð flókið
14