Skólaskýrsla 2004 - Verzlunarskóli Íslands

V. bekkur, máladeild:
Markmið: Nemendur eiga að geta sýnt frumkvæði og sjálfstæði í vinnubrögðum. Þeir eiga
að geta beitt öllum fjórum færniþáttum tungumálsins svo að loknu námi í þessum áfanga eiga
þeir að vera hlutgengir á dönsku/skandinavísku málsvæði bæði sem starfsmenn í ýmsum
atvinnugreinum sem og að stunda frekara nám á Norðurlöndum.
Nemendur eiga að þekkja allvel til dansks samfélags, kvikmynda­ og nútímabókmennta og
hafa fengið innsýn í texta fræðilegs eðlis. Nemendur eiga að geta aflað sér upplýsinga á
Netinu, á bókasafni skólans sem og í dagblöðum, tímaritum og fræðiritum.
Námslýsing: Kennt var í þrjár stundir á viku og fór kennsla og samskipti í bekk fram á
dönsku. Engin kennslubók var til grundvallar en einungis unnið út frá þemum. Nemendur
unnu margs konar verkefni sem þeir stýrðu sjálfir í samráði við kennara. Um var að ræða
bæði einstaklings­, para­ og hópverkefni. Nemendur kynntu verkefni sín munnlega í
bekknum og skiluðu skriflegum verkefnum. Lesin var ein skáldsaga og sex smásögur og
skrifleg verkefni unnin. Einnig horfðu nemendur á tvær kvikmyndir, þar af var önnur að eigin
vali sem og danska fréttaþætti og unnu skrifleg verkefni þeim tengdum. Nemendur bekkjarins
tóku þátt í stóru samnorrænu verkefni sem fjallaði um orkumál á Norðurlöndum og lauk því
með ráðstefnu átta skóla frá öllum Norðurlöndunum í Verzlunarskóla Íslands.
Kennslugögn: 30 bls. úr Litteratur Håndbogen–Gyldendal um nútímabókmenntir,
Kønsroller–ljósritaður hluti BA ritgerðar eftir Ágústu Ásgeirsdóttur, ýmis konar ljósritað
ítarefni, Netið, tvær kvikmyndir, o.fl.
Eðlisfræði
V. bekkur, stærðfræðideild:
Hreyfilýsing í einni vídd, lögmál Newtons, vinna, orka og afl.
Þrýstingur, vökvar og flæði.
Varmi, hiti, fasaskipti, varmaflutningur.
Rafmagn. Rafhleðsla, lögmál Coulombs, rafsvið og spenna, straumur, viðnám, lögmál
Ohms, einfaldar straumrásir, lögmál Kirchhoffs og fjölmöskvarásir. Eðlisviðnám,
orkuflutningur og orkutap.
Bylgjufræði, endurkast og brot, samliðun, staðbylgjur, hljóð og hljóðfæri, skystyrkur,
Dopplerhrif. Linsur og ljósgeislafræði, samsett linsukerfi. Gerð var útitilraun með samliðun
hljóðbylgna á Geirsnefi með góðum árangri.
Kennslugögn: University Physics eftir Harris Benson, ásamt samtíning kennara.
VI. bekkur, stærðfræðideild:
Skriðþungi og varðveisla hans, árekstrar í tveimur víddum, fjaðrandi og ófjaðrandi
árekstrar.
Hringhreyfing, miðsóknarkraftur, hornhraði.
Þyngdarlögmál Newtons, stöðuorka í þyngdarsviði, lausnarhraði, brautarhreyfing og
Hohmann­brautir.
Vægi og hverfitregða, snúningur stjarfhluta, snúningsorka, regla Steiners, hverfitregða,
hverfiþungi og varðveisla hans.
Segulsvið, Lorentzkraftur, segulsvið um vír og lögmál Biot–Savart, span.
Takmarkaða afstæðiskenningin. Lorentzummyndanir; tími, lengd og massi hluta á
afstæðilegum hraða, orka og skriðþungi í afstæðiskenningunni.
Geislavirkni, helmingunartími, kjarnaummyndanir.
Frumatriði skammtafræði, Bohr­líkanið, ljósraflos, regla de Broglie, óvissulögmálið.
Bylgjujöfnur og smug.
Kennslugögn: University Physics eftir Harris Benson, ásamt samtíning kennara.
27