Skólaskýrsla 2004 - Verzlunarskóli Íslands

einnig var leitað upplýsinga á Netinu. Í rituðu máli voru nemendur látnir skrifa verkefni úr
léttum skáldsögum, blaðagreinum, bíómyndum og svo framvegis. Nemendur voru látnir
semja og flytja stuttan fyrirlestur á spænsku, þar sem efnistakan var úr námsefni annarinnar.
Kenndar voru fjórar kennslustundir í viku og stúdentspróf var munnlegt og skriflegt.
Kennslugögn: Español sin fronteras 1I, lesbók og vinnubók, geisladiskar, myndbönd og
tölvudiskar.
Stjórnmálafræði
VI. bekkur, val:
Markmið: Að kynna nemendum aðferðir og viðfangsefni stjórnmálafræðinnar og efla
þekkingu þeirra á stjórnmálum, innlendum sem erlendum. Að gera nemendur hæfari til að
leggja sjálfstætt mat á stefnur og stjórnmálaathafnir og til þátttöku í lýðræðisþjóðfélagi.
Inngangur:
o kynning á stjórnmálafræði
o mikilvæg hugtök
o saga stjórnmálafræðinnar
o átakakenningar
o kenningar um lýðræði og vald
Alþjóðastjórnmál I: Bandaríkin:
o stjórnskipan og kosningar
o forsetar Bandaríkjanna frá síðari heimsstyrjöld
o endalok kalda stríðsins og átök á síðustu árum og áratugum
Stjórnmálahugmyndir:
o kynning á stjórnmálaheimspeki
o helstu stjórnmálastefnur
Íslensk stjórnmál:
o stjórnarskráin og stjórnkerfið
o Alþingi
o flokkar og hagsmunasamtök
Alþjóðastjórnmál II: Sameinuðu þjóðirnar og mannréttindi
o stofnun og hugmyndafræði Sameinuðu þjóðanna
o mannréttindasáttmáli Sameinuðu þjóðanna
o mannréttindabarátta á síðustu árum og áratugum
o Amnesty International og staða mannréttinda í dag
Námslýsing: Farið var yfir ofangreint efni með fyrirlestrum kennara, umræðum og
verkefnavinnu nemenda. Myndbandaefni var töluvert notað, bæði í tengslum við
alþjóðastjórnmál og stjórnmál á Íslandi. Þá var Alþingi heimsótt þegar kom að umfjöllun
um það. Loks kynntu fulltrúar stjórnmálaflokka og áhugahópa um stjórnmál stefnumið
sín eins og venja hefur verið í þessari grein; í ár voru nýir, ungir þingmenn áberandi í því
hlutverki.
Kennslugögn: Magnús Gíslason: Stjórnmálafræði fyrir framhaldsskóla. Rvík. 1994.
Lesefni um Alþingi og störf þess. Saga stjórnmálafræðinnar og önnur gögn frá kennara.
Stjórnun
VI. bekkur, viðskiptadeild:
Markmið: Að nemendur kunni grunnhugtök og kenningar í stjórnun og að beita hugtökunum
í mæltu og rituðu máli.
Námslýsing: Farið er yfir grunnhugtök og kenningar í stjórnun. Útskýrt er hvernig þjóðfélagsbreytingar
hafa gert það að verkum að menn leggja nú meiri áherslu á stjórnun en áður.
43